താമരശ്ശേരി: അന്യം നിന്നുപോകുന്ന കാര്ഷിക സംസ്കൃതി തിരിച്ചുപിടിക്കാന് പള്ളിപ്പുറം വാക പ്പൊയില് ക്ഷേത്രം വയലില് ഞാറുനടീല് ഉത്സവം നടത്തി.
ക്ഷേത്ര വയലില് ദേവന് നിവേദ്യത്തിനും വഴിപാടുകള്ക്കു വേണ്ട ഉണങ്ങലരി കൃഷി ചെയ്തുണ്ടാകാന് കഴിഞ്ഞ വര്ഷം ക്ഷേത്ര കമ്മിറ്റി തീരുമാനിക്കുകയായിരുന്നു.തുടര്ന്ന് സൗപര്ണ്ണിക സാംസ്ക്കാരിക വേദിയുമായി സഹകരിച്ചു പരമാവധി ശ്രമദാനം നടത്തി നെല്കൃഷി ഇറക്കുകയും ചെയ്തു.
താമരശ്ശേരി കൃഷിഭവന്റെ പൂര്ണ്ണ സഹകരണത്തോടെ നടത്തിയ ജൈവകൃഷിയില് നല്ല വിളലഭിക്കുകയും ചെയ്തു. ജനകീയ കൃഷിയുടെ രണ്ടാം വര്ഷത്തില് ഞാറുനടീല് ആഘോഷമാക്കി മികച്ച വിളവെടുപ്പിനു വേണ്ടി കാത്തിരിക്കുകയാണ് നാട്ടുകാര് കുഞ്ഞോത്ത് ശശിധരന് മൂടോട്ട് ബാലകൃഷ്ണന് എന്നിവര്ക്കാണ് കൃഷിപ്പണികളുടെ ചുമതല.
ഞാറ് നടീല് ഉത്സവം താമരശ്ശേരി ഗ്രാമപഞ്ചായത്ത് പ്രസിഡണ്ട് സരസ്വതി ഉദ്ഘാടനം ചെയ്തു. സൗപര്ണ്ണിക സ്വയം സഹായ സീഘം പ്രസിഡണ്ട് ഗിരീഷ് തേവള്ളി ,ക്ഷേത്ര സംരക്ഷണ സമിതി പ്രസിഡണ്ട് നാരായണന് ശ്രീശാസ്ത, സെക്രടറി പി.രാജേഷ്, ടി.ഉദയകുമാര്, പി.ടി.മനോജ്, പി.സുധീശന് നമ്പൂതിരി ,കെ.രാധാകൃഷ്ണന് ,പി.ഉണ്ണികൃഷ്ണന്, മൂഴിക്കല് ബാലകൃഷ്ണന്, അശോക് കുമാര്, കല്ല്യാണിക്കുട്ടി അമ്മ, പാറുക്കുട്ടി അമ്മ, ദേവി അമ്മ, കാര്ത്യായനി അമ്മ ജാനകി അമ്മ തുടങ്ങിയവര് നേതൃത്വം നല്കി
പ്രതികരിക്കാൻ ഇവിടെ എഴുതുക: