നാദാപുരം: വെള്ളൂരില് ലീഗ് പ്രവര്ത്തകന് അസ്ലമിനെ കൊലപ്പെടുത്തിയ കേസില് ഒരു സിപിഎം പ്രവര്ത്തകന് കൂടി അറസ്റ്റിലായി. കൊലയാളി സംഘത്തിന് വഴികാണിച്ചു കൊടുത്ത വെള്ളൂര് പുത്തലത്ത് അഖില് (26) നെയാണ് അന്വേഷണ സംഘം അറസ്റ്റ് ചെയ്തത്. കൃത്യം നടക്കുന്ന ദിവസം ഇയാളും കൊലയാളികള് സഞ്ചരിച്ച ഇന്നോവ കാറില് ഉണ്ടായിരുന്നതായി പോലീസ്സ് പറഞ്ഞു.
ഇതോടെ ഈ കേസില് ആറുപേര് അറസ്റ്റിലായി. ഇതില് പ്രതികള്ക്ക് അഭയം നല്കിയെന്ന കേസില് കാസര്ഗോഡ് ബങ്കളം സ്വദേശിയും സിപിഎം നേതാവുമായ അനില് ബങ്കളത്തിനെ അന്വേഷണ സംഘം അറസ്റ്റുചെയ്തിരുന്നു. ഇയാളെ പിന്നീട് ജാമ്യത്തില് വിട്ടിരുന്നു. ഇന്നലെ കോടതി അവധിയായതിനാല് നാദാപുരം ജുഡീഷ്യല് ഫസ്റ്റ് ക്ലാസ്സ് മജിസ്ട്രറ്റിന്റെ വീട്ടില് ഹാജരാക്കിയ പ്രതിയെ റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: