ഇടുക്കി:തെരുവ് നായ്ക്കളുടെ ശല്യം വ്യാപകമായ സാഹചര്യത്തില് ആക്രമണകാരികളായ നായ്ക്കളെ പിടികൂടി വന്ധ്യംകരിക്കാനുള്ള നടപടികള് വേഗത്തിലാക്കുന്നതിന് കളക്ട്രേറ്റ് കോണ്ഫറന്സ് ഹാളില് ജില്ലാകളക്ടര് ജി.ആര്. ഗോകുലിന്റെ അധ്യക്ഷതയില് ചേര്ന്ന തദ്ദേശഭരണ സ്ഥാപനങ്ങളുടെ അധ്യക്ഷന്മാരുടെയും സെക്രട്ടറിമാരുടെയും യോഗം തീരുമാനിച്ചു.
തെരുവുനായ്ക്കളെ പിടികൂടി വന്ധ്യംകരിക്കുന്നതിന് ജില്ലാപഞ്ചായത്ത് ആവിഷ്ക്കരിച്ച ബൃഹദ്പദ്ധതിയുമായി ജില്ലയിലെ മുഴുവന് തദ്ദേശഭരണ സ്ഥാപനങ്ങളുടെയും സഹകരണം ഉറപ്പാക്കി പദ്ധതി നടപ്പാക്കുന്നതിനാണ് തീരുമാനിച്ചിട്ടുള്ളത്. ഇതിന്റെ ഭാഗമായി തെരുവ് നായ്ക്കളെ പിടികൂടി വന്ധ്യംകരിക്കുന്നതുമായി ബന്ധപ്പെട്ട് ഗ്രാമ, ബ്ലോക്ക്, ജില്ലാപഞ്ചായത്ത്, നഗരസഭ തലത്തില് കമ്മിറ്റികള് രൂപീകരിക്കാനും എട്ട് ബ്ലോക്ക് തലത്തിലും രണ്ട് നഗരസഭാ പരിധിയിലും ഓരോ കേന്ദ്രം കണ്ടെത്തി വന്ധ്യംകരിച്ച ശേഷം നായ്ക്കളെ സംരക്ഷിച്ച് നിരീക്ഷിക്കാനും നടപടി സ്വീകരിക്കും. വളര്ത്തുനായ്ക്കള്ക്ക് ലൈസന്സ് എടുക്കുന്നത് നിര്ബന്ധമാക്കും. ഇതോടൊപ്പം തന്നെ മാലിന്യ നിര്മ്മാര്ജ്ജനം ഊര്ജ്ജിതപ്പെടുത്തി തെരുവുനായശല്യം ഇല്ലാതാക്കുന്നതിന് നടപടി സ്വീകരിക്കാനും യോഗം നിര്ദ്ദേശം നല്കി.
പ്രതികരിക്കാൻ ഇവിടെ എഴുതുക: