കണ്ണൂര്: ഈ വര്ഷത്തെ ഓണം-ബക്രീദ് ഐആര്ഡിപി വിപണനമേളക്ക് കണ്ണൂര് കോര്പ്പറേഷന് പരിസരത്ത് തുടക്കമായി. ഗ്രാമീണ ഉല്പ്പന്നങ്ങളാല് സമൃദ്ധമായ മേള പി.കെ.ശ്രീമതി എംപി ഉദ്ഘാടനം ചെയ്തു. ചടങ്ങില് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് അധ്യക്ഷത വഹിച്ചു.
11 ബ്ലോക്കുകളില് നിന്നുള്ള നൂറിലധികം സ്വയം സഹായ സംഘങ്ങള് തയ്യാറാക്കിയ ഒരു കോടി രൂപയിലധികം വിലയ്ക്കുള്ള ഉല്പ്പന്നങ്ങളാണ് വില്പ്പനയ്ക്കായി ഒരുക്കിയിരിക്കുന്നത്. ശുചിത്വമിഷന്, കേന്ദ്രാവിഷ്കൃത പദ്ധതികളുടെ പവലിയനുകള് എന്നിവയും മേളയുടെ ഭാഗമായി തയ്യാറാക്കിയിട്ടുണ്ട്. ദാരിദ്ര്യ ലഘൂകരണ യൂണിറ്റിന്റെ നേതൃത്വത്തില് ഐആര്ഡിപി, എസ്ജിഎസ്വൈ, കുടുംബശ്രീ എന്നിവയുടെ പങ്കാളിത്തത്തോടെ നടക്കുന്ന മേള 11 വരെ തുടരും. വിവിധ ധനകാര്യ സ്ഥാപനങ്ങളുടെ സ്പോണ്സര്ഷിപ്പില് മികച്ച സമ്മാന പദ്ധതിയും മേളയില് ഒരുക്കിയിട്ടുണ്ട്. 500 രൂപയിലധികം സാധനങ്ങള് വാങ്ങുന്നവര്ക്ക് കൂപ്പണ് നറുക്കെടുപ്പിലൂടെ ദിനേന മൂന്നു സമ്മാനങ്ങളും അവസാന ദിവസം ബംബര് സമ്മാനവും നല്കും.
പ്രതികരിക്കാൻ ഇവിടെ എഴുതുക: