പൂച്ചാക്കല്: കേന്ദ്ര ഏജന്സിയായ നബാര്ഡിന്റെ സഹായത്തോടെ ഏഴു കോടി മുടക്കി പുനര്നിര്മ്മിക്കുന്ന തുറവൂര്-തൈക്കാട്ടുശ്ശേരി റോഡിന്റെ മെറ്റലിങ്ങ് നടന്നിട്ടും, ടാറിങ്ങ് നടത്താതെ പൂര്ത്തീകരണം വൈകിപ്പിക്കുന്നതിന് പിന്നില് എഞ്ചിനീയര്മാരും, കോണ്ട്രാക്ടറും തമ്മിലുള്ള ഒത്തുകളിയാണെന്ന് യുവമോര്ച്ച കുറ്റപ്പെടുത്തി.
ടാറിങ്ങ് പൂര്ത്തീകരിക്കുവാന് നിലവില് യാതൊരു തടസ്സങ്ങള് ഇല്ലാതിരുന്നിട്ട് പോലും നിര്മ്മാണം പൂര്ത്തീകരിക്കാത്തതിന്റെ പിന്നിലുള്ള അധികൃതരുടെ അനാസ്ഥയില് പ്രതിഷേധിച്ച് പത്തിന് രാവിലെ 10ന് തുറവൂര് ജങ്ഷനില് യുവമോര്ച്ച അരൂര് മണ്ഡലം കമ്മറ്റിയുടെ നേതൃത്വത്തില് റോഡ് ഉപരോധിക്കും.
ഈ വിഷയത്തില് പൊതുമരാമത്ത് മന്ത്രി അലംഭാവം കാട്ടുകയാണെന്ന് യുവമോര്ച്ച കുറ്റപ്പെടുത്തി. റോഡ് ഉപരോധം യുവമോര്ച്ച മണ്ഡലം പ്രസിഡന്റ് വിമല് രവീന്ദ്രന് ഉദ്ഘാടനം ചെയ്യും.
പതിനായിരങ്ങള് പ്രതിദിനം യാത്ര ചെയ്യുന്ന റോഡില് നിന്നുയരുന്ന പൊടിപടലങ്ങള് ജനങ്ങളുടെ ആരോഗ്യത്തെ ബാധിക്കുന്നു.
പ്രതികരിക്കാൻ ഇവിടെ എഴുതുക: