കോടാലി: കൊടകര വെള്ളിക്കുളങ്ങര പിഡബ്ലിയുഡി റോഡില് മറ്റത്തൂര് പഞ്ചായത്ത് ഓഫീസ് മുതല് ചേലക്കാട്ടുകര പാലം വരെയുള്ള സ്ഥലങ്ങളില് റോഡിനിരുവശവും വീണ്ടും മണ്കൂനകളുയര്ന്നു.കോടാലിയില് നടക്കുന്ന െ്രെഡനേജ് നിര്മ്മാണത്തിനായി കുഴിയെടുക്കുമ്പോള് ലഭിക്കുന്ന മണ്ണാണ് റോഡരുകില് ശേഖരിക്കുന്നത്. മുന്പ് ഇത് പോലെ മറ്റൊരു റോഡിന്റെ പണിയില് ബാക്കിവന്ന മണ്ണും കല്ലുമെല്ലാം ഈ പ്രദേശത്തു തന്നെ നിക്ഷേപിച്ചിരുന്നു.ഈ മണ്കൂനകള് യാത്രക്കാര്ക്കും വാഹനങ്ങള്ക്കും ഗതാഗത തടസ്സം സൃഷ്ടിക്കുന്നതായി പൊതുജനങ്ങളുടെ പരാതിയെത്തുടര്ന്ന് പഞ്ചായത്ത് ഇടപെട്ട് ഒരു മാസം മുന്പാണ് മണ്ണ് ലേലം ചെയ്തു കൊടുത്ത് വഴി വൃത്തിയാക്കിയത്. ഇപ്പോള് വീണ്ടും ഇതേ സ്ഥലത്തു തന്നെ മണ്ണ് നിക്ഷേപിച്ചതില് വ്യാപകമായ പരാതി ഉയര്ന്നിട്ടുണ്ട്.മഴ പെയ്താല് റോഡിലെ വെള്ളം കാനയിലേക്ക് ഒഴുകി പോകാന് ഈ മണ്കൂനകള് തടസ്സമാകയാല് റോഡില് വന് വെള്ളക്കെട്ടാണ് അനുഭവപ്പെടുന്നത്. വാഹനങ്ങള്ക്ക് സൈഡ് കൊടുക്കുവാനും ബുദ്ധിമുട്ടുള്ളതായി നാട്ടുകാര് പറയുന്നു.
പ്രതികരിക്കാൻ ഇവിടെ എഴുതുക: