പാലാ: ഫ്രണ്ട്സ് ഓഫ് മരിയസദനം സംഘടിപ്പിക്കുന്ന ഓണാഘോഷ വിളംബര ഘോഷയാത്ര 13ന് നടക്കും. രാവിലെ 10ന് പുലിയന്നൂരില് നിന്ന് ഘോഷയാത്ര ആരംഭിക്കും. നഗരത്തിന്റെ 14 സ്ഥലങ്ങളില് ഘോഷയാത്രയ്ക്ക് സ്വീകരണം നല്കുമെന്ന് മരിയസദനം ഡയറക്ടര് സന്തോഷ് മരിയസദനം അറിയിച്ചു.
പാലാ: മേവട-പൂവരണി-തോടനാല് എന്എസ്എസ് കരയോഗങ്ങളുടെയും വനിതാ സംഘം, സ്വാശ്രയ സംഘം, ബാലസമാജം എന്നിവയുടെയും സംയുക്താഭിമുഖ്യത്തില് 11ന് രാവിലെ മുതല് നടക്കും. വിവിധ മത്സരങ്ങള്, അനുസ്മരണം, സാംസ്കാരിക സമ്മേളനം എന്നിവയാണ് പ്രധാന പരിപാടികള്.
ഉച്ചയ്ക്ക് 12ന് കരയോഗം മുന്പ്രസിഡന്റ് എ. വേലായുധന് നായര് അനുസ്മരണം മീനച്ചില് യൂണിയന് പ്രസിഡന്റ് സി.പി. ചന്ദ്രന് നായര് നിര്വ്വഹിക്കും. വൈകിട്ട് 5ന് നടക്കുന്ന സാംസ്കാരിക സമ്മേളനം കൊഴുവനാല് പഞ്ചായത്ത് പ്രസിഡന്റ് തോമസ് ജോര്ജ് ഉദ്ഘാടനം ചെയ്യും. എ.വി. ഗോപിനാഥന് അദ്ധ്യക്ഷത വഹിക്കും. തുടര്ന്ന് മിമിക്സ്, നൃത്തനൃത്യങ്ങള് എന്നിവ നടക്കും.
ആനക്കല്ല്: നവകേരള വായനശാലയുടെ ഓണാഘോഷ പരിപാടികള് ഞായറാഴ്ച്ച ആരംഭിക്കും. 13ന് വൈകിട്ട് 5ന് നടത്തുന്ന പൊതുസമ്മേളനം ജില്ലാ പഞ്ചായത്തംഗം സെബാസ്റ്റ്യന് കുളത്തുങ്കല് ഉദ്ഘാടനം ചെയ്യും. പ്രസിഡന്റ് ജോസ് ആന്റണിയുടെ അധ്യക്ഷത വഹിക്കും. പ്രൊഫ.ദേവസ്യ ജോസഫ് ഞൊണ്ടിമാക്കല് മുഖ്യപ്രഭാഷണം നടത്തും.
പുസ്തക വിതരണ ഉദ്ഘാടനം വനിതാ കമ്മീഷനംഗം ഡോ.ജെ.പ്രമീളാദേവി നിര്വ്വഹിക്കും. ഫാ. ഡെന്നി തോമസ് നെടുംപതാല് ആദ്യ പുസ്തകം സജി നായിപുരയിടത്തലിന് കൈമാറും. കാഞ്ഞിരപ്പള്ളി വില്ലേജ് ഓഫിസര് എന്. ജയപ്രകാശ് സമ്മാനദാനം നിര്വ്വഹിക്കും. ജോളി ഫ്രാന്സിസ് മടുക്കകുഴി, റ്റി.എം ഹനീഫ, പൊന്കുന്നം സെയ്ദ്, ജോര്ജുകുട്ടി തൈപ്പറമ്പില് എന്നിവര് ചടങ്ങില് സംസാരിക്കും.
ഏന്തയാര്: ജെ.ജെ.മര്ഫി ഹയര് സെക്കന്ഡറി സ്കൂളില് ഓണാഘോഷം വിപുലമായി നടന്നു. രാവിലെ മുതല് കുട്ടികളുടെ വിവിധ കലാ-കായിക മത്സരങ്ങള് സംഘടിപ്പിച്ചു. പിടിഎയുടെയും മാനേജ്മെന്റിന്റേയും നേതൃത്വത്തില് ഓണസദ്യയും ഒരുക്കി. പരിപാടികള്ക്കു പിടിഎ പ്രസിഡന്റ് കെ.ഇ.ഹബീബ്, മാതൃസംഗമം പ്രസിഡന്റ് ജലജ ഷാജി, ഭാരവാഹികളായ നൗഷാദ് വെംബ്ലി, സുജാത ബാബുജി, റെനി ജോണി, കെ.എം.ബഷീര്, സജി, മായ അനില്, അമ്പിളി ജയന്, മേഴ്സി മാത്യു, ഗ്രേസി സെബാസ്റ്റ്യന് കെ.എം.സുരേഷ്, ജോസ് തുടങ്ങിയവര് നേതൃത്വം നല്കി.
കൂട്ടിക്കല്: കെ.എം.ജെ.പബ്ലിക് സ്കൂളില് നടന്ന ഓണാഘോഷം പ്രിന്സിപ്പല് ഷീബാ ആബി ഉദ്ഘാടനം ചെയ്തു. കുട്ടികളുടെ വിവിധ കലാകായിക പരിപാടികള് അത്തപ്പൂക്കള മല്സരം എന്നിവ നടന്നു. പി.ടി.എ യുടെ നേതൃത്വത്തില് ഓണ സദ്യയും നടത്തി. മാനേജിങ് കമ്മറ്റി അംഗങ്ങളായ നൗഷാദ് വെംബ്ലി, ഷാന് പി.ഖാദര്, പി.എ.അഷറഫ്, പി.ടി.എ.പ്രസിഡന്റ് സക്കീര് മഠത്തില്,വിനോദ് ജോസഫ്, കെ.എല്. ജെയിംസ്, സി.എസ്. ഇര്ഷാദ്, സുസ്്മിത ജോസഫ് സുബി എല്സ മാത്യു തുടങ്ങിയവര് സംസാരിച്ചു.
മുണ്ടക്കയം: മുണ്ടക്കയം എം.ഇ.എസ്.പബ്ലിക് സ്കൂളില് ഓണാഘോഷം മാനേജര് പി.പി. അബ്ദുല്ഖരീം ഉദ്ഘാടനം ചെയ്തു. പിടിഎ.പ്രസിഡന്റ് നൗഷാദ് ഇല്ലിക്കല് അധ്യക്ഷത വഹിച്ച യോഗത്തില് സുബൈര് മൗലവി, ജലാല് വട്ടകപാറ, ആര്.രഞ്ജിത് എന്നിവര് പ്രസംഗിച്ചു.
പള്ളിക്കത്തോട്: അരവിന്ദ വിദ്യാമന്ദിരത്തില് ഓണഘോഷം നടത്തി. പള്ളിക്കത്തോട്ടില് നിന്നാരംഭിച്ച ഘോഷയാത്ര സ്കൂളില് സമാപിച്ചു. ബസേലിയോസ് കോളേജ് സംസ്കൃത വിഭാഗം അദ്ധ്യാപകനായിരുന്ന പ്രൊഫ. വിശ്വനാഥന് നമ്പൂതിരി കുട്ടികള്ക്ക് ഓണസന്ദേശം നല്കി.
പള്ളിക്കത്തോട് പഞ്ചായത്തിലെ 150 കുടുംബങ്ങള്ക്ക് ഓണക്കിറ്റ് വിതരണം ചെയ്തു. അത്തപ്പൂക്കളമത്സരം, വടംവലി മത്സരം, ഉറിയടി മത്സരം എന്നിവ നടന്നു. വിദ്യാഭാരതി അഖിലേന്ത്യാ ജോയിന്റ് സെക്രട്ടറി എന്.സി.ടി രാജഗോപാല്, സ്കൂള് പ്രവര്ത്തകസമിതിയംഗങ്ങള്, രക്ഷാകര്ത്താക്കള് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: