കോഴിക്കോട്: പത്രപ്രവര്ത്തകനും കോഴിക്കോട്ടെ സാംസ്കാരിക രംഗത്തെ നിറസാന്നിധ്യവുമായിരുന്ന ഗിരീഷ് മുള്ളങ്കണ്ടിയെ നഗരം അനുസ്മരിച്ചു. കോഴിക്കോട് പ്രസ്ക്ലബ്ബില് സുഹൃദ്സംഘം സംഘടിപ്പിച്ച അനുസ്മരണ സമ്മേളനത്തില് മുതിര്ന്ന പത്രപ്രവര്ത്തകനും തേജസ് എഡിറ്ററുമായ എന്.പി. ചേക്കുട്ടി അനുസ്മരണ പ്രഭാഷണം നടത്തി. കോഴിക്കോട് നഗരത്തിന്റെ സാംസ്കാരിക സവിശേഷതകളാണ് ഗിരീഷ് എന്ന സാമൂഹ്യപ്രവര്ത്തകനെ രൂപപ്പെടുത്തിയതെന്ന് അദ്ദേഹം പറഞ്ഞു. വിവിധ മേഖലകളില് അതുല്യ സംഭാവനകള് നല്കിയ പ്രമുഖരേക്കാള് നഗര ജീവിതത്തില് സ്നേഹത്തിന്റെയും സൗഹൃദത്തിന്റെയും പാരസ്പരികതയുടെയും ഇഴയടുപ്പം സൂക്ഷിച്ച ഗിരീഷിനെപ്പോലെയുള്ളവരാണ് കോഴിക്കോടിന്റെ സവിശേഷത. അദ്ദേഹം പറഞ്ഞു. സുപ്രഭാതം എക്സിക്യൂട്ടീവ് എഡിറ്റര് എ. സജീവന് അധ്യക്ഷത വഹിച്ചു. കമാല് വരദൂര്, എന്. രാജേഷ്, അഡ്വ. പി.എം. നിയാസ്, വിജയന് കാരന്തൂര്, പ്രൊഫ. എം.സി. വസിഷ്ഠ്, കെ.ചന്ദ്രശേഖരന്, കെ.പ്രേംനാഥ്, ഹരീഷ് കടയപ്രത്ത്, അഡ്വ. എം. രാജന്, ഡോ. മനോജ് കാളൂര്, അഡ്വ. ശ്യാം അശോക് എന്നിവര് സംസാരിച്ചു. എം. ബാലകൃഷ്ണന് സ്വാഗതവും ടി.വേലായുധന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: