കൊല്ലം: ജില്ലയുടെ വിവിധ ഭാഗങ്ങളില് നടക്കുന്ന അനധികൃത ധാതുഖനനവും കടത്തും തടയുന്നതിനായി റവന്യൂ ഡിവിഷണല് ഓഫീസറുടെ നേതൃത്വത്തില് ജില്ലാതല സ്ക്വാഡ് രൂപീകരിച്ചു. ആര്ഡിഒ വി.രാജചന്ദ്രന്റെ നേതൃത്വത്തില് ജില്ലയുടെ വിവിധ ഭാഗങ്ങളില് പരിശോധന നടത്തുകയും അനധികൃതമായി ഖനനം നടത്തിയ ജെസിബിയും വാഹനങ്ങളും പിടികൂടുകയും ചെയ്തു. ഇവ എഴുകോണ്, ഈസ്റ്റ് കല്ലട പോലീസ് സ്റ്റേഷനുകളില് എല്പ്പിച്ചു.
ഓണക്കാലത്ത് അനധികൃത ധാതുഖനനം, കടത്ത്, നിലംനികത്തല്, കുന്നിടിക്കല് തുടങ്ങിയ പ്രവര്ത്തനങ്ങള് തടയുന്നതിന് ആര്ഡിഒയുടെ നേതൃത്വത്തില്
സ്പെഷ്യല് സ്ക്വാഡുകള് രൂപീകരിച്ചു. എല്ലാ താലൂക്കുകളിലും താലൂക്ക് സ്ക്വാഡുകള് രൂപീകരിക്കുന്നതിന് തഹസീല്ദാര്മാര്ക്ക് നിര്ദേശം നല്കി.
അനധികൃത ധാതുഖനനം, കടത്ത്, നിലംനികത്തല്, കുന്നിടിക്കല് തുടങ്ങിയ പ്രവര്ത്തനങ്ങള് പൊതുജനങ്ങളുടെ ശ്രദ്ധയില്പ്പെട്ടാല് ഉടന് 9447163461 (ആര്ഡിഒ), 9447194116 (കൊല്ലം തഹസീല്ദാര്), 9447184623 (കൊട്ടാരക്കര തഹസീല്ദാര്), 9447191605 (പത്തനാപുരം തഹസീല്ദാര്), 8547618457 (പുനലൂര് തഹസീല്ദാര്), 9447170345 (കുന്നത്തൂര് തഹസീല്ദാര്), 9447080223 (കരുനാഗപ്പള്ളി തഹസീല്ദാര്) എന്നീ നമ്പരുകളില് അറിയിക്കാം.
പ്രതികരിക്കാൻ ഇവിടെ എഴുതുക: