കൊല്ലം: ജില്ലയില് മോട്ടോര്രംഗത്ത് ജോലി ചെയ്തു വരുന്ന തൊഴിലാളികളുടെ സംരക്ഷണത്തിനായി രൂപീകരിച്ച കൊല്ലം ജില്ലാ മോട്ടോര് ഡ്രൈവേഴ്സ് ആന്റ് വര്ക്കേഴ്സ് വെല്ഫെയര് സൊസൈറ്റിയുടെ പ്രവര്ത്തനം സാധാരണക്കാരായ തൊഴിലാളികളുടെ ഉന്നതിക്ക് വേണ്ടിയായിരിക്കുമെന്ന് ബിഎംഎസ് ജില്ലാ സെക്രട്ടറി ടി.രാജേന്ദ്രന്പിള്ള. സൊസൈറ്റി രൂപീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. തൊഴിലാളികളുടെ സര്വതോന്മുഖമായ വികസനത്തിനും സാമ്പത്തിക അഭിവൃദ്ധിക്കുമായി വിവിധ കമ്പനികളുമായി ചേര്ന്നു സമഗ്രപദ്ധതിക്ക് രൂപം നല്കുമെന്ന് മുഖ്യപ്രഭാഷണം നടത്തിയ സൊസൈറ്റി ലീഗല് അഡൈ്വസറും ചാര്ട്ടേഡ് അക്കൗണ്ടന്റുമായ നീലകണ്ഠഅയ്യര് പറഞ്ഞു. തുടര്ന്ന് തൊഴിലാളികള്ക്ക് അംഗത്വ കാര്ഡ് വിതരണവും നീര്വഹിച്ചു. യോഗത്തില് ജില്ലാ പ്രസിഡന്റ് പി.ജയപ്രകാശ്, ബിജെപി ദക്ഷിണ മേഖലാ ജനറല്സെക്രട്ടറി എം.എസ്.ശ്യാംകുമാര്, ബിഎംഎസ് ജില്ലാ നേതാക്കളായ ബി.ശശിധരന്, പി.കെ.മുരളീധരന് നായര്, ആര്.പ്രസന്നന്, കെ.എസ്.നസീയ, ആര്.അജയന്, കെ.ശിവരാജന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: