ഗീത നാലാമദ്ധ്യായം 12-ാം ശ്ലോകം. എന്തുകൊണ്ടാണ് എല്ലാമനുഷ്യരും മോക്ഷത്തിന് വേണ്ടി അങ്ങയെ മാത്രം ഭജിക്കാത്തത്? അര്ജുനന്റെ സംശയം മനസ്സില്കണ്ട് ഭഗവാന് പറഞ്ഞു.
”വൈദികവും ആത്മീയവുമായ കര്മ്മങ്ങളുടെ ഫലം, ധനം, സ്തീ, പുത്രന്മാര്, ഗൃഹം, സ്വര്ഗ്ഗം മുതലായവമോഹിച്ച് അവ ആഗ്രഹിച്ച് ഇഹ ലോകത്തില് കര്മ്മം ചെയ്യാന് യോഗ്യതയുള്ള മനുഷ്യര്-ഇന്ദ്രാദികളെ യാഗം ചെയ്തും പൂജിച്ചും ധ്യാനിച്ചും സേവിക്കുന്നു. എന്നെസേവിക്കുന്നില്ല. എന്തുകൊണ്ടെന്നാല് കര്മ്മങ്ങളുടെഫലം ഇതരദേവന്മാരെന്നെ സേവിച്ചാല് ലഭിക്കുന്നു. അതും പെട്ടെന്ന്. ഭഗവത്ത്വവിജ്ഞാനം കൊണ്ട് കിട്ടുന്ന മോക്ഷം വേഗം കിട്ടുകയില്ല.
മുജ്ജന്മസാധനകളാല് വൈരാഗ്യം ചിത്തശുദ്ധി മുതലായവ നേടേണ്ടതുണ്ട്.
അതിനാല്, മോക്ഷം വേണമെന്ന ആഗ്രഹം ഇല്ലാത്തവര് ചെറിയ ചെറിയ ഫലങ്ങള്ക്കായി മറ്റുദേവന്മാരെ ആശ്രയിക്കുന്നു. അതിനാല് ഭജനാനന്ദം- മനുഷ്യജന്മത്തിന്റെ ഉന്നതതലം അവര്ക്ക് കിട്ടുന്നില്ല.
പ്രതികരിക്കാൻ ഇവിടെ എഴുതുക: