ആലപ്പാട്: ഓണക്കാലത്തെ മതേതര സമാധാന അന്തരീക്ഷത്തെ നശിപ്പിക്കുവാന് തൊണ്ണൂറ്റി ഏഴ് കൊല്ലം പഴക്കമുള്ള ഗുരുമന്ദിരം തല്ലിത്തകര്ത്തതായി പരാതി. ആലപ്പാട് എസ്എന്ബി സമാജ അങ്കണത്തിലെ ഗുരുമന്ദിരത്തിന്റെ ചില്ലുകളാണ് തല്ലിത്തകര്ത്തതായി ഞായറാഴ്ച രാവിലെ കാണപ്പെട്ടത്. ഇരുള് പരക്കുന്നതോടെ ആലപ്പാട് പ്രദേശത്തെ കാടുപിടിച്ചു കിടക്കുന്ന കെട്ടിടങ്ങള്ക്ക് പുറകുവശത്തും കെഎല് ഡിസി കനാല് ബണ്ട്, പുത്തന്തോട് പാലത്തിനടിവശം, പുറത്തൂര്, പുള്ള് തുടങ്ങിയ സ്ഥലങ്ങളിലും കഞ്ചാവ് മയക്കുമരുന്ന് ലോബികളുടെ വിളയാട്ടമാണെന്ന് നാട്ടുകാര് പറഞ്ഞു.ഗുരുമന്ദിരം തകര്ത്ത സംഭവത്തിനെക്കുറിച്ച് സമഗ്രമായ അന്വേഷണം നടത്തി കുറ്റവാളികളെ പിടികൂടി മാതൃകാപരമായി ശിക്ഷിക്കണമെന്ന് ആലപ്പാട് എസ്എന്ബി പ്രസിഡന്റ് കെകെ രാജേന്ദ്രബാബു, സെക്രട്ടറി ടിഎസ് പ്രതീഷ്കുമാര് എന്നിവര് ആവശ്യപ്പെട്ടു. പരാതിയിന്മേല് അന്തിക്കാട് പോലീസ് സംഭവസ്ഥലം സന്ദര്ശിച്ചു.
പ്രതികരിക്കാൻ ഇവിടെ എഴുതുക: