ഇരിട്ടി: നിയന്ത്രണം വിട്ട കാര് റോഡരികിലെ കാനയിലേക്ക് മറിഞ്ഞ് മൂന്നു പേര്ക്ക് പരിക്കേറ്റു. കുശാല് നഗര് സ്വദേശികളായ ജോസ്(48), സാലി (45), ഫിലോമിന (16) എന്നിവര്ക്കാണ് പരിക്കേറ്റത്. ഇവരെ ഇരിട്ടിയിലെ സ്വകാര്യ ആശുപത്രിയില് പ്രവേശിപ്പിച്ചു. കര്ണ്ണാടകയിലെ കുശാല് നഗറില് നിന്നും ഏറണാകുളത്ത് ഒരു വിവാഹത്തില് പങ്കെടുത്തു നാട്ടിലേക്ക് മടങ്ങുകയായിരുന്ന അഞ്ചുപേരടങ്ങിയ കുടുംബം സഞ്ചരിച്ച കെഎ 45 എം 1376 ബൊലേറോ കാറാണ് അപകടത്തില് പെട്ടത്. ഇരിട്ടി മട്ടന്നൂര് റോഡില് പുന്നാട് ടൗണിനു സമീപം ഞായറാഴ്ച പുലര്ച്ചെ 5 മണിയോടെ ആയിരുന്നു അപകടം. കാനയില് നിറയെ കാടുകള് നിറഞ്ഞു നിന്നിരുന്നതിനാല് കൂടുതല് പരിക്കേല്ക്കാതെ യാത്രക്കാര് രക്ഷപ്പെട്ടു.
പ്രതികരിക്കാൻ ഇവിടെ എഴുതുക: