ഗുരുവായൂര്: ഗുരുവായൂര് ക്ഷേത്രം മേല്ശാന്തിയായി പഴയത്ത് മന സുമേഷ് നമ്പൂതിരി (ആര്യന്)യെ തെരഞ്ഞെടുത്തു.
സുബ്രഹ്മണ്യന് നമ്പൂതിരിയുടെ മകനാണ് മുപ്പത്തിയേഴുകാരന്. ആറുമാസമാണ് കാലാവധി. രണ്ടാം തവണയാണ് തെരഞ്ഞെടുക്കപ്പെടുന്നത്. ശുകപുരം, പെരുവനം ഗ്രാമത്തില്പ്പെട്ട നാല്പ്പത്തിമൂന്ന് അപേക്ഷകളാണ് ഉണ്ടായത്്.
ക്ഷേത്രം തന്ത്രി ചേന്നാസ് നാരായണന് നമ്പൂതിരിപ്പാടുമായുള്ള കൂടിക്കാഴ്ച്ചക്ക് ശേഷമുളള പേരുകള് ഉള്പ്പെടുത്തിയ നറുക്കെടുപ്പിലാണ് സുമേഷ് നമ്പൂതിരി തെരഞ്ഞടുക്കപ്പെട്ടത്.
ഉച്ചപൂജക്ക് ശേഷം നമസ്കാരമണ്ഡപത്തില് മേല്ശാന്തി ഹരീഷ് നമ്പൂതിരി വെളളിക്കുടത്തില് നിന്ന് നറുക്കെടുത്തു. ഭാര്യ സുധ, മക്കള് ഗൗതംകൃഷ്ണ, ഗൗരികൃഷ്ണ.
പ്രതികരിക്കാൻ ഇവിടെ എഴുതുക: