മുഹമ്മ: വിശ്വകര്മ്മ ദിനാചരണം നാളെ 1689 നമ്പര് ശാഖയുടെ ആഭിമുഖ്യത്തില് കായിപ്പുറത്ത് നടക്കും. രഥഘോഷയാത്ര, ശോഭായാത്ര, സംഗീതഭജനം, മധുരാന്നദാനം എന്നിവയുണ്ടാകും. രാവിലെ ഏഴിന് വിശ്വകര്മ്മ ദീപപ്രകാശനം, 7.10ന് പതാക ഉയര്ത്തല് വി.കെ. ദാസപ്പന്, 7.15ന് വിശ്വകര്മ്മ കീര്ത്തനം, സംഗീത ഭജനം, 8ന് വിശ്വകര്മ്മ രഥഘോഷയാത്രയ്ക്ക് സ്വീകരണം, ഒന്പതിന് സാബു, അനില്കുമാര്, എം.ജി. ശശി, അനില്കുമാര്, ഷാനാബാബു, കൃഷ്ണമ്മ മുരളി, എ. ശശിധരന് എന്നിവര് ആശംസകള് അര്പ്പിക്കും.
ചേര്ത്തല: വിശ്വകര്മ സര്വീസ് സൊസൈറ്റി ചേര്ത്തല താലൂക്ക് യൂണിയന്റെ ആഭിമുഖ്യത്തില് നാളെ വിശ്വകര്മ ദിനാഘോഷം സംഘടിപ്പിക്കും. വൈകിട്ട് അഞ്ചിനു ചേര്ത്തല എന്എസ്എസ് താലൂക്ക് ഹാളില് നടക്കുന്ന സമ്മേളനം മന്ത്രി പി. തിലോത്തമന് ഉദ്ഘാടനം ചെയ്യും. കെ.സി.വേണുഗോപാല് എംപി മുഖ്യപ്രഭാഷണം നടത്തും. അവാര്ഡ് വിതരണം എ.എം. ആരിഫ് എംഎല്എ നിര്വഹിക്കും. സ്വാഗതസംഘം ചെയര്മാന് ആര്. അപ്പു അദ്ധ്യക്ഷത വഹിക്കും. സമ്മേളനത്തിനു മുന്നോടിയായി ദേവരഥ ശോഭായാത്രയും നടത്തും
ആലപ്പുഴ: കേരള വിശ്വകര്മ്മസഭ അമ്പലപ്പുഴ താലൂക്ക് യൂണിയന്റെ ആഭിമുഖ്യത്തില് വിശ്വകര്മ്മജയന്തി നാളെ വിപുലമായി ആഘോഷിക്കും. രാവിലെ എട്ടിന് താലൂക്ക് പ്രസിഡന്റ് വി. പി. ആചാരി പതാക ഉയര്ത്തും. തുടര്ന്ന് വിശ്വകര്മ്മപൂജ, ഉച്ചയ്ക്ക് 2.30ന് വെള്ളക്കിണര് ജങ്ഷനില് നിന്ന് ആലപ്പുഴ ഐശ്വര്യാ ഓഡിറ്റോറിയത്തിലേക്ക് ശോഭായാത്ര നടക്കും. വൈകിട്ട് അഞ്ചിന് നടക്കുന്ന പൊതുസമ്മേളനം മന്ത്രി ജി. സുധാകരന് ഉദ്ഘാടനം ചെയ്യും. മന്ത്രി തോമസ് ഐസക്ക് മുഖ്യപ്രഭാഷണം നടത്തും. കെവിഎസ് സംസ്ഥാന വൈസ്പ്രസിഡന്റ് പി. സി. നടേശന് ആമുഖപ്രഭാഷണം നടത്തും. വി. പി. ആചാരി അദ്ധ്യക്ഷത വഹിക്കും. കെ. സി. വേണുഗോപാല് എംപി പ്രതിഭകളെ ആദരിക്കും. വിവിധ അവാര്ഡുകള് തോമസ് ജോസഫ്, കൊട്ടാരം ഉണ്ണികൃഷ്ണന്, എം. എ. ഷുക്കൂര്, എസ്. ഡി. വേണുകുമാര്, എം. പി. സുനില്ദത്ത് തുടങ്ങിയവര് നിര്വഹിക്കും.
പ്രതികരിക്കാൻ ഇവിടെ എഴുതുക: