കോഴിക്കോട്: ശ്രീകണ്ഠേശ്വര ക്ഷേത്രത്തില് 162-ാമത് ശ്രീനാരായണഗുരുജയന്തി ആഘോഷം തുടങ്ങി. പാര്ത്ഥസാരഥി മണ്ഡപത്തില് പ്രത്യേകം തയ്യാറാക്കിയ ഗുരുദേവന്റെ ഛായാപടത്തിനു മുന്നില് പ്രസിഡന്റ് പി.വി. ചന്ദ്രന് ചതയാഘോഷ ജ്യോതി തെളിയിച്ച് ഉദ്ഘാടനം ചെയ്തു. ജനറല് സെക്രട്ടറി ഇ. അനിരുദ്ധന്, വൈസ് പ്രസിഡന്റ് പി. സുന്ദര്ദാസ്, ജോയിന്റ് സെക്രട്ടറി ഇ. സുരേഷ്ബാബു, ട്രഷറര് കെ.വി. അരുണ്, കണ്വീനര് കെ.വി. അനേഖ്, പുഷ്പാ അശോക്കുമാര് തുടങ്ങിയവര് പങ്കെടുത്തു. ഗുരുവിഹാരത്തില് നിന്ന് ദിവ്യജ്യോതി മേല്ശാന്തി കെ.വി. ഷിബു പ്രസിഡന്റിന് കൈമാറി. വൈകുന്നേരം നടന്ന വനിതാ സമ്മേളനത്തില് ബീനാ സുരേഷ് മുഖ്യാതിഥിയായിരുന്നു.
ഇന്ന് നടക്കുന്ന ചതയദിന സമ്മേളനത്തില് ബിജെപി സംസ്ഥാന പ്രസിഡന്റ് കുമ്മനം രാജശേഖരന് മുഖ്യാതിഥിയാകും.
ഗുരുധര്മ്മ പ്രചരണ സഭ ജില്ലാ കമ്മിറ്റിയുടെ ആഭിമുഖ്യത്തില് കോഴിക്കോട് നടക്കുന്ന ശ്രീനാരായണ ഗുരുജയന്തി ആഘോഷം ജില്ലാ ആസ്ഥാനമായ അരയിടത്ത്പാലം ശ്രീനാരായണ സ്ക്വയറില് നടക്കും. രാവിലെ 8 മണിക്ക് ഗുരുപൂജയോടെ പരിപാടികള് ആരംഭിക്കും. വൈകിട്ട് 3 ന് നടക്കുന്ന മഹാജയന്തി സമ്മേളനം ഡോ. കെ. സുഗതന് ഉദ്ഘാടനം ചെയ്യും. ജയന്തി ആഘോഷ കമ്മിറ്റി ചെയര്മാന് ഡോ. എന്. വിജയന് അദ്ധ്യക്ഷത വഹിക്കും. ഡോ. പി.വി. ഉണ്ണികൃഷ്ണന് മുഖ്യ പ്രഭാഷണം നടത്തും. തുടര്ന്ന് ജയന്തി ആഘോഷത്തോടനുബന്ധിച്ച് നടത്തിയ ജില്ലാതല ദൈവദശക ആലാപന മല്സരവിജയികള്ക്കുള്ള സമ്മാന ദാന വിതരണവും നടക്കും.
പ്രതികരിക്കാൻ ഇവിടെ എഴുതുക: