തിരുവനന്തപുരം: ഓണം വാരാഘോഷ സമാപനം കുറിച്ചുകൊണ്ട് നാളെ നടക്കുന്ന ഘോഷയാത്രയോടനുബന്ധിച്ച് ഉച്ചക്ക് 2 മുതല് രാത്രി 8 വരെ തിരുവനന്തപുരം നഗരത്തില് ഗതാഗതക്രമീകരണങ്ങള് ഏര്പ്പെടുത്തി. എംസി റോഡില് നിന്നും തമ്പാനൂര്, കിഴക്കേകോട്ട പോകേണ്ട വാഹനങ്ങള് മണ്ണന്തല കുടപ്പനക്കുന്ന്, പേരൂര്ക്കട, പൈപ്പിന്മൂട്, ശാസ്തമംഗലം, ഇടപ്പഴിഞ്ഞി തൈക്കാട് ഫ്ളൈ ഓവര് വഴിയും, എന്.എച്ച് റോഡില് നിന്നും വരുന്ന വാഹനങ്ങള് ഉള്ളൂര് മെഡിക്കല് കോളേജ്, കണ്ണമ്മൂല, ജനറല് ഹോസ്പിറ്റല്, അണ്ടര് പാസ്, ബേക്കറി, ഫ്ളൈ ഓവര്, പനവിള വഴിയും നെടുമങ്ങാട് നിന്നുവരുന്ന വാഹനങ്ങള് പേരൂര്ക്കട പൈപ്പിന്മൂട്, ശാസ്തമംഗലം, ഇടപ്പഴിഞ്ഞി, ശ്രീമൂലം ക്ലബ്, വഴുതക്കാട്, സാനഡു, പനവിള വഴി പോകണം. നെയ്യാറ്റിന്കര നിന്നും കിഴക്കേകോട്ടയിലേക്കുള്ള വാഹനങ്ങള് കൈമനം, മരുതൂര്ക്കടവ്, കാലടി, ചിറമുക്ക് മണക്കാട് വഴി കിഴക്കേകോട്ടയില് വരേണ്ടതും, തമ്പാനൂരേക്ക് വരേണ്ടവ കരമന, കുഞ്ചാലുംമൂട്, പൂജപ്പുര, ഡിപിഐ, സാനഡു, പനവിള വഴി തമ്പാനൂരിലേക്ക് പോകേണ്ടതുമാണ്.
ഘോഷയാത്ര സെക്രട്ടേറിയറ്റ് മെയിന്ഗേറ്റില് എത്തിക്കഴിഞ്ഞാല് തമ്പാനൂരില് നിന്നും എന്എച്ച് റോഡ്, എംസി റോഡ്, നെടുമങ്ങാട് ഭാഗത്തേക്ക് പുറപ്പെടേണ്ട കെഎസ്ആര്ടിസി ഉള്പ്പെടെയുള്ള വാഹനങ്ങള് അരിസ്റ്റോ ജംഗ്ഷന്, മോഡല് സ്കൂള് ജംഗ്ഷന്, പനവിള ഭാഗത്തുനിന്നും പുറപ്പെടണം. കരമന, നെയ്യാറ്റിന്കര ഭാഗത്തേക്കുള്ള വാഹനങ്ങള് കിള്ളിപ്പാലം പിആര്എസ് ആശുപത്രിയുടെ മുന്വശത്തുനിന്നും പുറപ്പെടണം. തമ്പാനൂര് നിന്നും എന്എച്ചിലേക്ക് പോകേണ്ട വാഹനങ്ങള് ബേക്കറി, ഫ്ളൈ ഓവര് അണ്ടര് പാസ് ജനറല് ഹോസ്പിറ്റല്, പേട്ട, കണ്ണമ്മൂല, മെഡിക്കല് കോളേജ്, ഉള്ളൂര് വഴിയും എംസി റോഡിലേക്കുള്ളവ അണ്ടര് പാസ്, ആശാന് സ്ക്വയര്, പിഎംജി, പ്ലാമൂട്, പട്ടം വഴിയും നെടുമങ്ങാട് ഭാഗത്തേക്ക് പോകേണ്ട വാഹനങ്ങള് ബേക്കറി, വഴുതക്കാട്, ഇടപ്പഴിഞ്ഞി, ശാസ്തമംഗലം, പൈപ്പിന്മൂട്, പേരൂര്ക്കട വഴിയും പോകണം. കവടിയാര്, വെള്ളയമ്പലം, അട്ടക്കുളങ്ങര, കിഴക്കേകോട്ട റോഡിലും ഫുട്പാത്തുകളിലും വാഹനങ്ങള് പാര്ക്കുചെയ്യാന് പാടില്ല. നാളെ ഉച്ചയ്ക്ക 1 മുതല് ചരക്കുവാഹനങ്ങള്ക്ക് തിരുവനന്തപുരം നഗരത്തിലേക്ക് പ്രവേശനം അനുവദിക്കില്ല.
യൂണിവേഴ്സിറ്റി ഓഫീസ് കോമ്പൗണ്ട്, യൂണിവേഴ്സിറ്റി കോളേജ് കോമ്പൗണ്ട്, സംസ്കൃത കോളേജ് കോമ്പൗണ്ട്, വിമന്സ് കോളേജ് കോമ്പൗണ്ട്, പൂജപുര എല്ബിഎസ് കോമ്പൗണ്ട്, ടാഗോര് തീയേറ്റര് കോമ്പൗണ്ട്, വാട്ടര് അതോറിറ്റി കോമ്പൗണ്ട് (ഇന്ഡോര് സ്റ്റേഡിയം മുതല് പഞ്ചായത്ത് ഹാള് വരെയും, ഒബ്സര്വേറ്ററിയിലേക്ക് പോകുന്ന വഴിയുടെ ഒരു വശവും) സെന്റ് ജോസഫ്സ് ഹയര് സെക്കന്ഡറി സ്കൂള്, കോമ്പൗണ്ട്, തൈക്കാട് പോലീസ് ഗ്രൗണ്ട്, ഗവണ്മെന്റ് ആര്ട്സ് കോളേജ് കോമ്പൗണ്ട്, സംഗീത കോളേജ് കോമ്പൗണ്ട്, എസ്എംവി സ്കൂള് കോമ്പൗണ്ട്, അട്ടക്കുളങ്ങര സെന്ട്രല് സ്കൂള് കോമ്പൗണ്ട്, ഫോര്ട്ട് ഹൈസ്കൂള് കോമ്പൗണ്ട്, ആറ്റുകാല് ദേവീക്ഷേത്രം പാര്ക്കിംഗ് ഗ്രൗണ്ട്, പുത്തരിക്കണ്ടം മൈതാനം പാര്ക്കിംഗ് ഗ്രൗണ്ട് എന്നിവിടങ്ങളിലും പിഎംജി, ലോ കോളേജ് റോഡ്, മ്യൂസിയം നന്ദാവനം റോഡ്, വെള്ളയമ്പലം-ശാസ്തമംഗലം റോഡ്, ഈഞ്ചയ്ക്കല്-കോവളം ബൈപാസ് റോഡ് എന്നിവിടങ്ങളില് ഒരു വശത്തും വാഹനങ്ങള് പാര്ക്ക് ചെയ്യാം. പാര്ക്കുചെയ്യുന്ന വാഹനങ്ങളില് ബന്ധപ്പെടേണ്ട നമ്പറുകള് പ്രദര്ശിപ്പിക്കണം. ഘോഷയാത്ര കാണാന് വരുന്നവര് റോഡിന്റെ ഇരുവശങ്ങളിലും നില്ക്കണം. ഘോഷയാത്ര കടന്നുപോകുന്ന പ്രധാന വീഥിയില് നില്ക്കാന് പാടില്ല. ട്രാഫിക്കുമായ ബന്ധപ്പെട്ട പരാതികളും നിര്ദ്ദേശങ്ങളും 0471-2558731, 2558732, 9497987001, 949787002 നമ്പരുകളില് അറിയിക്കാം.
പ്രതികരിക്കാൻ ഇവിടെ എഴുതുക: