ആലപ്പുഴ: വിശ്വകര്മ്മ ജയന്തിദിനത്തില് ബിഎംഎസ് ദേശീയ തൊഴിലാളി ദിനമായി ആചരിച്ചു. ഇതിന്റെ ഭാഗമായി ജില്ലയിലെ 16 മേഖലാ കമ്മറ്റികളുടെ നേതൃത്വത്തില് വിപുലമായ പരിപാടികള് സംഘടിപ്പിച്ചു. രാവിലെ യൂണിറ്റുകള് കേന്ദ്രീകരിച്ച് പതാക ഉയര്ത്തി. മേഖലാ കേന്ദ്രങ്ങളില് നൂറുകണക്കിന് തൊഴിലാളികളും കുടുംബാംഗങ്ങളും പങ്കെടുക്കുന്ന പ്രകടനങ്ങള്, പൊതുസമ്മേളനങ്ങള്, തൊഴിലാളികളുടെ മക്കളില് എസ്എസ്എല്സി, പഌസ്ടു പരീക്ഷകളില് ഉന്നത വിജയം നേടിയ വിദ്യാര്ത്ഥികള്ക്ക് അനുമോദനങ്ങള് എന്നിവ നടന്നു.
ബിഎംഎസ് ആലപ്പുഴ മേഖലാ കമ്മറ്റിയുടെ ആഭിമുഖ്യത്തില് രാവിലെ വലിയ കലവൂര് ക്ഷേത്രത്തിനു സമീപത്തു നിന്നാരംഭിച്ച പ്രകടനം സമ്മേളനവേദിയായ കലവൂര് എസ്എന്ഡിപി ഹാളില് സമാപിച്ചു. തുടര്ന്ന് നടന്ന പൊതുസമ്മേളനം സംസ്ഥാന ട്രഷറര് ജി.കെ. അജിത്ത് ഉദ്ഘാടനം ചെയ്തു. വിശ്വകര്മ്മ ജയന്തി ദിവസം ദേശീയ തൊഴിലാളി ദിനമായി ബിഎംഎസ് മാത്രമാണ് ആചരിക്കുന്നതെന്നും മെയ്ദിനം ഭാരതത്തിന്റെ അടിമത്വത്തിന്റെ ഭാഗമായി ഉണ്ടായതാണെന്നും അദ്ദേഹം പറഞ്ഞു.
ആര്എസ്എസ് ജില്ലാ പ്രചാരക് ശ്രീജിത്ത് മുഖ്യപ്രഭാഷണം നടത്തി. ബിഎംഎസ് ജില്ലാ പ്രസിഡന്റ് ബി. രാജശേഖരന് എസ്എസ്എല്സി, പ്ല്സടു പരീക്ഷകളില് ഉന്നതവിജയം നേടയിവര്ക്ക് സ്കോളര്ഷിപ്പ് വിതരണം ചെയ്തു. ബിഎംഎസ് ജില്ലാ വൈസ് പ്രസിഡന്റ് വി.കെ. ശിവദാസ്, മേഖലാ ഭാരവാഹികളായ സി. ഷാജി, മഞ്ജു, സാലി വേലായുധന്, അഭിലാഷ് എന്നിവര് പങ്കെടുത്തു. മേഖലാ പ്രസിഡന്റ് അഡ്വ. രാജേഷ് അദ്ധ്യക്ഷത വഹിച്ചു. മേഖലാ സെക്രട്ടറി ജി. ഗോപകുമാര് സ്വാഗതവും മണ്ണഞ്ചേരി പ്ചായത്ത് കമ്മറ്റി സെക്രട്ടറി സതീശന് നന്ദിയും പറഞ്ഞു.
ബിഎംഎസ് അരൂര് മേഖല കമ്മറ്റിയുടെ നേതൃത്വത്തില് നടന്ന വിശ്വകര്മ്മ ദിനാഘോഷം ജില്ലാജോയിന്റ് സെക്രട്ടറി അനിയന് സ്വാമിച്ചിറ ഉദ്ഘാടനം ചെയ്തു. ആര്എസ്എസ് വിഭാഗ് കാര്യകാരി സദസ്യന് എസ്. ജയകൃഷ്ണന് മുഖ്യപ്രഭാഷണം നടത്തി. മേഖല വൈസ് പ്രസിഡന്റ് രഘു അദ്ധ്യക്ഷത വഹിച്ചു. എസ്. സുരേഷ്, എ.കെ. അഭിലാഷ്, ബിന്ദുമഗളന്, സിന്ദു സുരേഷ് എന്നിവര് സംസാരിച്ചു.
ബിഎംഎസ് ചേര്ത്തല മേഖലാ കമ്മറ്റിയുടെ നേത്യത്വത്തില് ദേശീയ തൊഴിലാളി ദിനമായി ആഘോഷിച്ചു. ബിഎംഎസ് ജില്ലാ ട്രഷറര് ബിനീഷ്ബോയി ഉദ്ഘാടനം ചെയ്തു. കെ.കെ. പുരുഷന് അദ്ധ്യക്ഷത വഹിച്ചു. ആര്എസ്എസ് ജില്ലാ കാര്യവാഹ് എ.വി. ഷിജു മുഖ്യപ്രഭാഷണം നടത്തി. എ.എന്. പങ്കജാക്ഷന്, ആര്. സന്തോഷ്, വി. തിലകന് എന്നിവര് സംസാരിച്ചു.
അമ്പലപ്പുഴയില് ജില്ലാ ജോയിന്റ് സെക്രട്ടറി സി. ഗോപകുമാറും എടത്വായില് ജില്ലാ ജോയിന്റ് സെക്രട്ടറി റ്റി. പി. വിജയന്, ചമ്പക്കുളത്ത് ജില്ലാ ജോ. സെക്രട്ടറി ബി. സുഭാഷ്, തുറവൂരില് ജില്ലാ വൈസ്പ്രസിഡന്റ് പി. ബി. പുരുഷോത്തമന്, പാണാവള്ളിയില് ജില്ലാ ജോ. സെക്രട്ടറി എന്. വേണുഗോപാല് എന്നിവര് പൊതുസമ്മേളനങ്ങള് ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: