ന്യൂദല്ഹി: ബലൂചിസ്ഥാന് സ്വാതന്ത്ര്യ സമരനേതാവ് ബ്രുഹംദാഗ് ബുഗ്തിക്ക് പൗരതം നല്കുന്ന കാര്യം ഇപ്പോള് പരിഗണനയിലില്ലെന്ന് ഭാരതം. ബുഗ്തിക്ക് ഭാരത പൗരത്വം ഉടന് ലഭിക്കുമെന്ന് ചില പാക് മാധ്യമങ്ങള് റിപ്പോര്ട്ട് ചെയ്തിരുന്നു. ഇദ്ദേഹമിപ്പോള് സ്വിറ്റ്സര്ലന്ഡിലാണ് താമസിക്കുന്നത്.
ബലൂച് റിപ്പബ്ലിക്കന് പാര്ട്ടി പ്രസിഡന്റാണ് ബുഗ്തി. ബലൂചി ദേശീയ നേതാവ് നവാബ് അക്ബര് ഖാന് ബുഗ്തയുടെ കൊച്ചുമകനാണ്. പാക്കിസ്ഥാനില് നിന്നുള്ള ബലൂചിന്റെ സ്വാതന്ത്ര സമര പോരാട്ടത്തില് പത്തു വര്ഷം മുന്പ് കൊല്ലപ്പെട്ടയാളാണ് നവാബ് അക്ബര് ഖാന്. ബ്രുഹംദാഗ് ബുഗ്തിക്കും അദ്ദേഹത്തിന്റെ അനുയായികളായ ഷേര് മുഹമ്മദ് ബുഗ്തി, അസീസുള്ള ബുഗ്തി എന്നിവര്ക്കും ഭാരതം പൗരത്വം നല്കുമെന്നായിരുന്നു റിപ്പോര്ട്ട്.
പ്രതികരിക്കാൻ ഇവിടെ എഴുതുക: