പാലാ: ഇല്ലിക്കല്കല്ലില് വിനോദസഞ്ചാരികളുടെ തിരക്ക്. ഗ്രീന് ടൂറിസത്തിന്റെ ഭാഗമായി ഇല്ലിക്കകല്ലിന് സമീപം വരെ റോഡ് വന്നതോടെ വാഹനങ്ങളിലെത്തുന്ന സഞ്ചാരികളുടെ എണ്ണവും വര്ദ്ധിച്ചു. വേണ്ടത്ര സുരക്ഷയൊരുക്കാന് അധികൃതര്ക്ക് കഴിയുന്നില്ലെന്ന് പരാതി ഉയര്ന്നു.
സമുദ്രനിരപ്പില് നിന്നും 400 അടിയിലധികം ഉയരത്തില് കുത്തനെയും വളവുകള് നിറഞ്ഞതുമാണ് ഇല്ലിക്കല്കല്ലിലേക്കുള്ള റോഡ്. മുകളിലെത്തുന്ന വാഹനങ്ങള്ക്ക് പാര്ക്ക് ചെയ്യാനും തിരിക്കാനും വേണ്ടത്ര സൗകര്യമില്ലാത്തത് മലമുകളിലേക്ക് കൂട്ടത്തോടെയെത്തുന്ന വാഹനങ്ങളെ നിയന്ത്രിക്കാനോ സുരക്ഷ ഉറപ്പുവരുത്തുന്നതിനോ യാതൊരു നടപടിയും ടൂറിസം വകുപ്പോ പോലീസോ ഏര്പ്പെടുത്തിയിട്ടില്ല.
മദ്യപിച്ചെത്തുന്നവരെ നിയന്ത്രിക്കാനോ പരിശോധിക്കാനോ ഉദ്യോഗസ്ഥരില്ല. മലമുകളില് ഇടിമിന്നല് പ്രതിരോധിക്കാന് സംവിധാനങ്ങളില്ല. പോലീസ് എയ്ഡ് പോസ്റ്റും വാഹന പരിശോധനയും നടപ്പിലാക്കണമെന്ന ആവശ്യം ശക്തമായി.
പ്രതികരിക്കാൻ ഇവിടെ എഴുതുക: