കൊച്ചി: ആലുവ ബ്ലൈന്ഡ് സ്ക്കൂളില് നടന്ന കാഴ്ച്ച പരിമിതര്ക്കുള്ള ക്രിക്കറ്റ് പരമ്പര ബംഗാളിന്. ഇന്നലെ നടന്ന രണ്ടു മത്സരങ്ങളിലും ജയിച്ചാണ് ബംഗാള് 2-1ന് പരമ്പര നേടിയത്. ആദ്യ മത്സരത്തില് കേരളത്തിനായിരുന്നു ജയം.
ഇന്നലത്തെ ആദ്യ കളിയില് ആദ്യം ബാറ്റ് ചെയ്യ്ത കേരളം അഞ്ച് വിക്കറ്റ് നഷ്ടത്തില് 192 റണ്സെടുത്തു. കേരളത്തിന് വേണ്ടി അബ്ദുള് മുനാസ് (75), മുഹമ്മദ് ഫര്ഹാന് (46) എന്നിവര് മികച്ച പ്രകടനം നടത്തി. ബംഗാളിനായി മണ്ഡു ദാസ് മൂന്നു വിക്കറ്റെടുത്തു.മറുപടിയില് ബംഗാള് 16.5 ഓവറില് രണ്ടു വിക്കറ്റ് നഷ്ടത്തില് 195 റണ്സെടുത്തു. 112 റണ്സെടുത്ത പ്രസന്നജിത്ത് മാന് ഓഫ് ദി മാച്ച്. മഴ മൂലം 10 ഓവറായി വെട്ടിച്ചുരുക്കിയ മൂന്നാമത്തെ മത്സരവും ബംഗാള് വിജയിച്ചു.
വിജയികള്ക്ക് ആലുവ ബ്ലൈന്ഡ് സ്ക്കൂള് മാനേജര് ജോണ്.ടി. ജെ. സമ്മാനദാനം നടത്തി. ക്രിക്കറ്റ് അസോസിയേഷന് ഫോര് ദി ബ്ലൈന്ഡ് ഇന് കേരള ജനറല് സെക്രട്ടറി രജനീഷ് ഹെന്റി പങ്കെടുത്തു.
പ്രതികരിക്കാൻ ഇവിടെ എഴുതുക: