പാനൂര്: 10-ാം ശമ്പളകമ്മീഷന് ആനുകൂല്യങ്ങള് ഉടന് ലഭ്യമാക്കണമെന്ന് പെന്ഷേനേഴ്സ് സംഘ് ജില്ലാസമ്മേളനം ആവശ്യപ്പെട്ടു. പെന്ഷന്കാര്ക്ക് മെഡിക്കല് ഇന്ഷൂറന്സ് പദ്ധതി നടപ്പിലാക്കണമെന്നും സമ്മേളനത്തില് അവതരിപ്പിച്ച പ്രമേയം സര്ക്കാറിനോടാവശ്യപ്പെട്ടു. പാനൂര് യുപി സ്ക്കൂളില് നടന്നു.സംസ്ഥാന സെക്രട്ടറി സി.ശ്രീധരന് മാസ്റ്റര് ഉദ്ഘാടനം ചെയ്തു. ജില്ലാ പ്രസിഡണ്ട് കെ.എന്.നാരായണന് അദ്ധ്യക്ഷത വഹിച്ചു.എന്.കെ.നാണു മാസ്റ്റര്, എന്ടി.മനോജ്, കെ.കെ.ചന്ദ്രന്, കെ.പി.സഞ്ജീവ് കുമാര്, സജീവന് ചാത്തോത്ത്, എം.ടി.സുരേഷ്കുമാര് എന്നിവര് പ്രസംഗിച്ചു. വി.പി.ബാലന് സ്വാഗതവും, പി.ടി.ദേവരാജന് നന്ദിയും പറഞ്ഞു.
തുടര്ന്ന് നടന്ന പ്രതിനിധി സമ്മേളനത്തില് ആര്എസ്എസ് പ്രാന്തീയ സഹസമ്പര്ക്ക പ്രമുഖ് പിപി.സുരേഷ്ബാബു മുഖ്യപ്രഭാഷണം നടത്തി. വ്യത്യസ്ത സംഘടനകളിലൂടെ പ്രവര്ത്തിച്ച് ഭാരതത്തെ ലോകഗുരുസ്ഥാനത്തേക്ക് ഉയര്ത്താനാണ് നാമെല്ലാവരും ശ്രമിക്കുന്നതെന്ന് പി.പി.സുരേഷ്ബാബു പറഞ്ഞു. ഒരാദര്ശത്തിനു വേണ്ടി ജീവിതാവസാനം വരെ നാം പ്രവര്ത്തിക്കുന്നു. നമ്മുടെ കൂട്ടായ പ്രവര്ത്തനഫലമായി ഇന്നു ലോകത്ത് 53രാജ്യങ്ങളില് സംഘാദര്ശം എത്തിനില്ക്കുന്നു. ലോകം ഇന്നു ഭാരതത്തില് പ്രതീക്ഷ അര്പ്പിച്ചിരിക്കുകയാണ്. നമ്മുടെ പ്രധാനമന്ത്രി പ്രഖ്യാപിക്കുന്ന പദ്ധതികള് ലോകം ഇരുകൈയും നീട്ടി സ്വീകരിക്കുകയാണ്.യോഗയെ ലോകം മാറോടണച്ചത് നാം കണ്ടു. സമൂഹത്തിന്റെ വ്യത്യസ്ത മേഖലകളില് നമ്മുടെ പ്രവര്ത്തനം വ്യാപിക്കുകയാണ്. സമൂഹത്തില് ഏറെ സ്വാധീനമുളള പെന്ഷനേഴ്സ് സംഘ് പ്രവര്ത്തകരും രാഷ്ട്രപുനര്നിര്മ്മാണ പ്രക്രിയയില് സക്രിയമാകണമെന്നും അദ്ദേഹം തുടര്ന്ന് പറഞ്ഞു. സിസി.രവീന്ദ്രന് മാസ്റ്റര് അദ്ധ്യക്ഷത വഹിച്ചു. എ.കെ.രാമകൃഷ്ണന്, കെ.വി.ശ്രീധരന് എന്നിവര് പ്രസംഗിച്ചു.
സമാപന സമ്മേളനം പെന്ഷനേഴ്സ് സംഘ് സംസ്ഥാന വൈസ്പ്രസിഡണ്ട് രവീന്ദ്രനാഥ് ചേലേരി ഉദ്ഘാടനം ചെയ്തു. എ.കെ.രാമകൃഷ്ണന്, കെ.വി.ശ്രീധരന്, സുധീര് യഞ്ജദാസ് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: