കണ്ണൂര്: 23 മുതല് 25 വരെ കോഴിക്കോടുവെച്ച് നടക്കുന്ന ബിജെപി ദേശീയ നിര്വ്വാഹക സമിതി യോഗത്തിന്റെ ഭാഗമായി 24ന് കോഴിക്കോട് നടക്കുന്ന പൊതുസമ്മേളനത്തില് ജില്ലയില് നിന്നും അരലക്ഷം പേര് പങ്കെടുക്കും. പ്രധാനമന്ത്രി നരേന്ദ്രമോദി അടക്കം പ്രമുഖര് പങ്കെടുക്കുന്ന പൊതുസമ്മേളനം ചരിത്ര വിജയമാക്കാന് ജില്ലയില് ഒരുക്കങ്ങള് പൂര്ത്തിയായി വരികയാണ്. പരിപാടിയുടെ മുന്നോടിയായി ജില്ലയിലെ ലക്ഷക്കണക്കിന് ഭവനങ്ങളിലും കടകമ്പോളങ്ങളിലും ബിജെപി പ്രവര്ത്തകരുടെ സമ്പര്ക്കം പൂര്ത്തിയായിക്കഴിഞ്ഞു. പരിപാടിയുടെ മുന്നോടിയായി ജില്ലയില് ഏകദേശം അഞ്ഞൂറോളം കേന്ദ്രങ്ങളില് പതാക ദിനാചരണം നടത്തി. പരിപാടിയുടെ ഭാഗമായി ഇന്നലെ മണ്ഡലം കേന്ദ്രങ്ങളില് സ്വച്ഛഭാരത് ശുചീകരണ യജ്ഞം നടത്തി. ഇന്ന് മണ്ഡലങ്ങളില് വിളമ്പര ബൈക്ക് റാലി നടക്കും. 21ന് കൊടിമര ജാഥ പയ്യമ്പലം മരാര്ജി സ്മൃതിമണ്ഡപത്തില് നിന്നും ആരംഭിക്കും. രാവിലെ 9ന് നടക്കുന്ന ഉദ്ഘാടന പരിപാടിയില് അഖിലേന്ത്യാ നേതാക്കള് പങ്കെടുക്കും. ധര്മ്മടം, കൂത്തുപറമ്പ്, തലശ്ശേരി, മാഹി വഴി കടന്നുപോകുന്ന കൊടിമര ജാഥ വൈകുന്നേരം 4ന് കോഴിക്കോട് സ്വപ്ന നഗരിയില് സമാപിക്കും.
ശുചിത്വ ദിനാചരണത്തിന് ഭാഗമായി കല്ല്യാശ്ശേരി മണ്ഡലത്തില് പഴയങ്ങാടി എരിപുരം താലൂക്ക് ആശുപത്രി ശുചീകരിച്ചു. സംസ്ഥാന സമിതി അംഗം പ്രഭാകരന് കടന്നപ്പള്ളി ഉദ്ഘാടനം ചെയ്തു. പി.വിജയന്, ശങ്കരന് കൈതപ്രം തുടങ്ങിയവര് പങ്കെടുത്തു. തളിപ്പറമ്പില് തളിപ്പറമ്പ് താലൂക്ക് ആശുപത്രി ശുചീകരിച്ചു. ജില്ലാ വൈസ് പ്രസിഡണ്ട് പി.ബാലകൃഷ്ണന് മാസ്റ്റര് ഉദ്ഘാടനം ചെയ്തു. മണ്ഡലം പ്രസിഡണ്ട് ടി.ടി.സോമന്, ബിജെപി നേതാക്കളായ എന്.കെ.ഇ. ചന്ദ്രശേശരന് മാസ്റ്റര്, എം.രാഘവന്, രവീന്ദ്രന് കടമ്പേരി തുടങ്ങിയവര് പങ്കെടുത്തു.
കണ്ണൂര് മണ്ഡലത്തില് തോട്ടട അമ്മു പറമ്പ്, ബസ്സ്റ്റോപ് പ്രദേശങ്ങള് ശുചീകരിച്ചു. മണ്ഡലം പ്രസിഡണ്ട് അഡ്വ.ശ്രീകാന്ത് രവിവര്മ്മ ഉദ്ഘാടനം ചെയ്തു. മണ്ഡലം ജനറല് സെക്രട്ടറി കെ.രതീഷ്, രഞ്ചിത്ത് നാമത്തില്, സുമന്, ബാബു ഒതയോത്ത്, ജയരാജന് തോട്ടട തുടങ്ങിയവര് പങ്കെടുത്തു.
ഇരിക്കൂര് മണ്ഡലത്തില് ചെങ്ങളായി പിഎച്ച്സി ശുചീകരിച്ചു. മേഖലാ വൈസ് പ്രസിഡണ്ട് എ.പി.ഗംഗാധരന് ഉദ്ഘാടനം ചെയ്തു. പി.വി.രമേശന്, മണികണ്ഠന്, ടി.കെ.രാജേഷ്, കെ.സഹദേവന്, കെ.വിജയന് തുടങ്ങിയവര് സംബന്ധിച്ചു.
മട്ടന്നൂരില് ജില്ലാ വൈസ് പ്രസിഡണ്ട് മോഹനന് മാനന്തേരി ഉദ്ഘാടനം ചെയ്തു. പി.രാജന്, വി.വി.ചന്ദ്രന്, ഒ.രതീഷ്, പി.കെ.രാജന്, കെ.അനന്തന്, എന്.ജനാര്ദ്ദനന് മാസ്റ്റര്, സജു കിളിയങ്ങാട്, ഷിജു കരേറ്റ, റീന ഏളക്കുഴി തുടങ്ങിയവര് നേതൃത്വം നല്കി. അഴീക്കോട് കെ.രാധാകൃഷ്ണന് ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: