വൈക്കം: താലൂക്കില് ചിട്ടി പൊട്ടി. രണ്ട് സ്ഥാപനങ്ങള്ക്കെതിരെ ചിറ്റാളര് പരാതി നല്കി. വലിയകവലയില് പ്രവര്ത്തിച്ചിരുന്ന ശിവോത്സവം, കരിവേലിമറ്റം എന്നീ സ്ഥാനങ്ങള്ക്കെതിരേയാണ് പരാതിനല്കിയത്്. കരിവേലിമറ്റം ചിട്ടിയുടെ മാനേജിങ് ഡയറക്ടറെ പോലീസ് അറസ്റ്റു ചെയ്തു. താലൂക്കില് അനധികൃത ചിട്ടി സ്ഥാപനങ്ങള് പെരുകുമ്പോളും നടപടിയെടുക്കാന് അധികൃതര് തയ്യാറാകാത്തതില് പ്രതിഷേധം വ്യാപകമാണ്. താലൂക്കില് പ്രവര്ത്തിക്കുന്ന ചിട്ടിസ്ഥപനങ്ങള് പലതും നിക്ഷേപകരെ പറ്റിച്ച് മുങ്ങുന്നത് പതിവാകുമ്പോഴും പോലീസ് ഉള്പ്പെടെയുള്ളവര് മൗനം പാലിക്കുകയാണെന്നാണ് ജനങ്ങളുടെ ആക്ഷേപം. രണ്ട് വര്ഷത്തിനുള്ളില് ആറോളം ചിട്ടിസ്ഥാപനങ്ങളാണ് കോടിക്കണക്കിന്് രൂപയുമായി മുങ്ങിയത്. ചിട്ടി സ്ഥാപനപത്തെക്കുറിച്ച് ഒരുതരത്തിലുള്ള അന്വേഷണവും നടത്താത്തതാണ് വ്യജസ്ഥാപനങ്ങള് പെരുകാന് കാരണം. വൈക്കത്ത് മുപ്പതിലധികം സ്ഥാപനങ്ങളാണ് ഇത്തരത്തിലുള്ളത്. എന്നാല് ഇതില് ഭൂരിഭാഗം സ്ഥാപനങ്ങളും നടത്തുന്ന ചിട്ടികള്ക്ക് രജിസട്രേഷന് ഇല്ലെന്നാണ് വിവരാവകാശ രേഖകളില് വ്യക്തമാവുന്നത്. രജിസ്േട്രഷനില്ലാത്ത സ്ഥാപനങ്ങളാണ് നിക്ഷേപകരെ കബിളിപ്പിക്കുന്നതിലേറെയും. വൈക്കം സബ് രജിസ്ട്രാഓഫീസില് 12 സ്ഥാപനങ്ങള് മാത്രാമാണ് ചിട്ടികള് രജിസ്ട്രര് ചെയ്ത് ബോണ്ട് കെട്ടിയിട്ടുള്ളത്. ബാക്കി ഒന്നിനും നീയമപരമായ അംഗികാരമില്ലെന്ന് വൈക്കം സബ് രജിസ്ട്രാര് ഓഫീസിലെ വിവരാവകാശ രേഖ വ്യക്തമാക്കുന്നു. പുതിയ ചിട്ടികള് ആരംഭിക്കുമ്പോള് രജിസേ്ട്രഷന് നമ്പരായി രസീതില് കാണിക്കുന്നത് സ്ഥാപനത്തിന്റെ രജിസേ്ട്രഷന് നമ്പരാണ്. ഇത് ചിട്ടിയുടെ രജിസേ്ട്രഷന് മ്പരാണെന്ന് ഗുണഭോക്താക്കള് തെറ്റിദ്ധരിക്കും. മുങ്ങുന്ന സ്ഥാപന ഉടമകള് പണവും സ്വത്തും ബന്ധുക്കളുടെയും സുഹൃത്തുക്കളുടെയും പേരിലേക്ക് മാറ്റുകയാണ് പതിവ്. സ്ഥാപനം രജിസ്ട്രര് ചെയ്തിട്ടുള്ളത് യഥാര്ത്ഥ ഉടമസ്ഥന്റെ പേരില് പോലും ആയിരിക്കില്ല. വരിക്കാര് കോടതികളില് കേസിന് പോകാത്തതും ഇത്തരക്കാര്ക്ക് ബലമേകുന്നുണ്ട്. പൊളിയുന്ന ചിട്ടിയുടെ വരിക്കാരെ വീണ്ടും പറ്റിക്കുന്ന വിരുതന്മാരായ രാഷ്ട്രീയ നേതാക്കളും രംഗത്തുണ്ട്. കേസ്സ് കൊടുത്ത് പണം വാങ്ങി തരാമെന്ന് പറഞ്ഞ് യോഗം വിളിക്കുകയും വക്കീല്ഫീസെന്ന പേരില് ഓരോ വരിക്കാരനില് നിന്ന് മുന്നൂറ് മുതല് അഞ്ഞൂറ് രൂപ വരെ വാങ്ങും. പിന്നീട് ഇവര് കേസുമായി മുന്നോട്ട് പോകാറുമില്ല. വൈക്കം സബ് രജിസ്ട്രാര്ഓഫീസില് നിയമപ്രകാരം ചിട്ടി രജിസ്ട്രര്ചെയ്തിട്ടുള്ളത് 1.വടക്കുംകൂര് ചിട്ടി, 2.പഴേമഠം 3. കുലശേഖരമംഗലം ചിട്ടി, 4.പേരയില് ചിട്ടി, 5.എസ്.എം.കെ.പി. സമാജം ചിട്ടി, 6.റ്റി.എന്.റ്റി.ചിട്ടി, 7.സെന്റ് മേരീസ് ചിട്ടി, 8.എം.എം. കുറീസ് . 9.പുതുക്കാട്ട് ചിട്ടിഫണ്ട്, 10. ശീകൃഷ്ണ ചിട്ടി, 11.ശ്രീമഹാദേവ ചിട്ടി, 12.ചെറുപുഷ്പം ചിട്ടി എന്നീ സ്ഥാപനങ്ങള് മാത്രമാണ്.
പ്രതികരിക്കാൻ ഇവിടെ എഴുതുക: