മുഹമ്മ: ക്യാന്സര് ബാധിച്ച പ്ലസ്വണ് വിദ്യാര്ത്ഥി തുടര്ചികിത്സയ്ക്കായി സുമനസ്സുകളുടെ സഹായം തേടുന്നു. ചേര്ത്തല അര്ത്തുങ്കല് 20-ാം വാര്ഡ് കുരിശിങ്കല് കെ.എല്. ജോസഫിന്റെയും ഡോളിയുടെയും മകന് സെന്റ്ഫ്രാന്സീസ് ഹയര്സെക്കണ്ടറി സ്കൂളിലെ വിദ്യാര്ത്ഥി ആന്റണി(16)ആണ് ബ്ലഡ്ക്യാന്സര് ബാധിച്ച് എറണാകുളം ജനറല് ആശുപത്രിയില് ചികിത്സയില് കഴിയുന്നത്. ടോണ്സിലൈറ്റിസായിട്ടാണ് ആന്റണി ചികിത്സ തേടിയത്. തുടര്ന്ന് ശരീരത്തില് മുഴകളുണ്ടാകുകയും രക്തം ഛര്ദ്ദിക്കുകയും ചെയ്തതിനെ തുടര്ന്ന് കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ച ആന്റണിയ്ക്ക് ബ്ലഡ്ക്യാന്സറാണെന്ന് ഡോക്ടര്മാര് സ്ഥിരീകരിച്ചു. തിരുവനന്തപുരം ആര്സിസിയില് കീമോതെറാപ്പി ചെയ്ത ആന്റണിയുടെ ദൈനംദിന ചികിത്സയ്ക്കായി പണം കണ്ടെത്താന് കഴിയാത്ത അവസ്ഥയാണ്. മത്സ്യതൊഴിലാളി കുടുംബമാണ് ആന്റണിയുടേയത്. വാര്ഡംഗം പി.പി. സോമന്റെയും കെ.എല്. ജോസഫിന്റെയും പേരില് അര്ത്തുങ്കല് എസ്ബിഐയില് ജോയിന്റ് അക്കൗണ്ട് തുടങ്ങി. അക്കൗണ്ട് നമ്പര്: 36105473122. ഐഎഫ്എസ്കോഡ്:85934372330. ഫോണ്: 9747964802, 9446843793.
പ്രതികരിക്കാൻ ഇവിടെ എഴുതുക: