കണ്ണൂര്: കോഴിക്കോട് നടക്കുന്ന ബിജെപി ദേശീയകൗണ്സില് സമ്മേളനത്തോടനുബന്ധിച്ച് നടന്ന കൊടിമര ജാഥക്ക് ജില്ലയുടെ വിവിധ ഭാഗങ്ങളില് ഉജ്ജ്വല സ്വീകരണം. രാവിലെ 9 മണിക്ക് പയ്യാമ്പലത്ത് സ്വര്ഗീയ മാരാര്ജിയുടെ സ്മൃതികുടീരത്തില് ജാഥാ ലീഡര് വി.കെ.സജീവന് പതാക കൈമാറി ദേശീയ നിര്വ്വാഹകസമിതി അംഗം അഡ്വ.പി.എസ്.ശ്രീധരന്പിള്ള ജാഥ ഉദ്ഘാടനം ചെയ്തു. ജില്ലാ വൈസ് പ്രസിഡണ്ട് കെ.രാധാകൃഷ്ണന് അധ്യക്ഷത വഹിച്ചു. ബിജെപി ജില്ലാ അധ്യക്ഷന് പി.സത്യപ്രകാശ്, സംസ്ഥാന സെല് കോ-ഓഡിനേറ്റര് കെ.രഞ്ജിത്ത്, സംസ്ഥാന സെക്രട്ടറി പ്രമീള സി.നായിക്, സംസ്ഥാന സമിതിയംഗം എ.ദാമോദരന്, ബാലകൃഷ്ണന് മാസ്റ്റര്, എ.ഒ.രാമചന്ദ്രന്, ഭാഗ്യശീലന് ചാലാട്, വി.പി.സുരേന്ദ്രന് മാസ്റ്റര്, കെ.രതീശന്, പി.എ.റിതേഷ്, അഡ്വ.വി.രത്നാകരന്, എന്.ഹരിദാസ്, എന്.രതി, എ.പി.പത്മിനി ടീച്ചര്, എന്.സരസ്വതി, യു.ഇന്ദിര, സെലീന, ടി.സി.മനോജ് തുടങ്ങിയവര് നേതൃത്വം നല്കി. വിജയന് വട്ടിപ്രം സ്വാഗതം പറഞ്ഞു. രാവിലെ 9 മണിക്ക് പയ്യാമ്പലത്ത് നിന്നും പ്രയാണമാരംഭിച്ച ജാഥ മമ്പറം, കൂത്തുപറമ്പ്, തലശ്ശേരി, മാഹി, വടകര, നാദാപുരം, കുറ്റിയാടി, പേരാമ്പ്ര, കൊയിലാണ്ടി, എലത്തൂര് വഴി വൈകുന്നേരം സമ്മേളന നഗരിയിലെത്തിച്ചേര്ന്നു.
കൂത്തുപറമ്പ് മാറോളിഘട്ടിന് സമീപം നടന്ന സ്വീകരണ പരിപാടിയില് മണ്ഡലം ജനറല് സെക്രട്ടറി ധനഞ്ജയന് അധ്യക്ഷത വഹിച്ചു. വി.പി.ബാലന് മാസ്റ്റര്, വി.ജ്യോതിബാബു, രാജേന്ദ്രന് തുടങ്ങിയവര് നേതൃത്വം നല്കി. രാജേഷ് കൊച്ചിയങ്ങാടി സ്വാഗതം പറഞ്ഞു.
തലശ്ശേരിയില് നടന്ന സ്വീകരണ പരിപാടിയില് ജാഥാ ലീഡര് വി.കെ.സജീവന് സംസാരിച്ചു. ജില്ലാ പ്രസിഡണ്ട് പി.സത്യപ്രകാശ്, ജില്ലാ ജനറല് സെക്രട്ടറി അഡ്വ.വി.രത്നാകരന്, ജില്ലാ സെക്രട്ടറി എന്.ഹരിദാസ്, വിജയന് വട്ടിപ്രം, മോഹനന് മാനന്തേരി, എം.പി.സുമേഷ്, കെ.രാജേഷ്, ലസിത പാലക്കല്, സ്മിത വിജയമോഹന് തുടങ്ങിയവര് നേതൃത്വം നല്കി.
മാഹി മുനിസിപ്പല് മൈതാന പരിസരത്ത് നിരവധി ഇരുചക്രവാഹനങ്ങളുടെ അകമ്പടിയോടെ ജാഥക്ക് സ്വീകരണം നല്കി. സ്വീകരണ യോഗത്തില് ബിജെപി മാഹി മണ്ഡലം പ്രസിഡണ്ട് സത്യന് ചാലക്കര അധ്യക്ഷത വഹിച്ചു. ജാഥാ ലീഡര് വി.കെ.സജീവന്, പി.സത്യപ്രകാശ്, കെ.ജയപ്രകാശ്, വി.ബാലന്, വി.കെ.മഹേന്ദ്രകുമാര് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: