ആലപ്പുഴ: ശ്രീനാരായണ ഗുരുദേവന്റെ 89-ാമത് മഹാസമാധി നാടെങ്ങും ആചരിച്ചു. എസ്എന്ട്രസ്റ്റ്, ശ്രീനാരായണ ധര്മ്മവേദി, എസ്എന്ഡിപി യോഗം, ഗുരുധര്മ്മ പ്രചരണ സഭ, മറ്റു ശ്രീനാരായണ പ്രസ്ഥാനങ്ങള്, ക്ഷേത്രങ്ങള്, സ്കൂളുകള്, വിവിധ സംഘടനകള് എന്നിവയുടെ നേതൃത്വത്തില് ശ്രീനാരായണ ഗുരുദേവന്റെ 89-ാമത് സമാധി ദിനാചരണം നാടെങ്ങും വിപുലമായാണ് നടന്നത്.
തുറവൂരില് ടാക്സി ഡ്രൈവേഴ്സ് സംഘത്തിന്റെ നേതൃത്വത്തില് തുറവൂര് ജംങ്ഷനില് ഗുരുദേവ പ്രാര്ത്ഥന, സമൂഹസദ്യ എന്നിവ നടത്തി. തഴുപ്പ് ശ്രീനാരായണ ധര്മ്മവേദി അമ്പലപ്പാട്ട് ഗുരുദേവ കീര്ത്തനങ്ങള്, ഭജന, പ്രസാദമൂട്ട് എന്നിവയും സംഘടിപ്പിച്ചു. പറയകാട് നാലുകുളങ്ങര ദേവസ്വത്തിന്റെ ആഭിമുഖ്യത്തില് ഗുരുദേവ പ്രാര്ത്ഥന, പ്രസാദമൂട്ട്, മൗനപ്രാര്ത്ഥന എന്നിവ നടത്തി. തഴുപ്പ് ഗുരുദേവ സമാജ ഭജന, പ്രസാദമൂട്ട് എന്നിവയും നടന്നു. എഴുപുന്ന കുമാരപുരം ക്ഷേത്രം, കല്ലുപുരയ്ക്കല് ക്ഷേത്രം, എഴുപുന്ന തെക്ക് കോട്ടയ്ക്കല് ദേവിക്ഷേത്രം, പുത്തന്കാവ് ഭഗവതീക്ഷേത്രം, പടിഞ്ഞാറെ മനക്കോടം ഘണ്ടാകര്ണ്ണക്ഷേത്രം, അഴിക്കല് സുബ്രഹ്മണ്യ ക്ഷേത്രം, വെട്ടയ്ക്കല് ഘണ്ടാകര്ണ്ണക്ഷേത്രം, വയലാര് നീലിമംഗലം ക്ഷേത്രം, കടക്കരപ്പള്ളി കണ്ടമംഗലം രാജരാജേശ്വരി ക്ഷേത്രം, മേനാശ്ശേരി സുബ്രഹ്മണ്യ ക്ഷേത്രം, ഒളതല ഘണ്ഠാകര്ണ്ണക്ഷേത്രം, വളമംഗലം കാടാതുരുത്ത് ദേവിക്ഷേത്രം, കളരിയ്ക്കല് ഭഗവതി ക്ഷേത്രം, കുത്തിയതോട് നാളികാട്ട് രാമകുമാര ക്ഷേത്രം, കോടംതുരുത്ത് സുബ്രഹ്മണ്യ ക്ഷേത്രം, കിഴക്കേ ചമ്മനാട് ദേവിക്ഷേത്രം, എരമല്ലൂര് കാഞ്ഞിരത്തിങ്കല് ക്ഷേത്രം, ആഞ്ഞിലിക്കാട്ട് ക്ഷേത്രം, ചന്തിരൂര് കുമര്ത്തുംപടി ക്ഷേത്രം, അരൂര് അമ്മനേഴത്ത് ഭഗവതി ക്ഷേത്രം എന്നിവിടങ്ങളിലെല്ലാം ഗുരുദേവന്റെ സമാധി ദിനാചരണം നടന്നു. തുറവൂറിലും സമീപ പ്രദേശങ്ങളിലും രാവിലെ സമാധി ദിനാചരണം ആരംഭിച്ചു. വളമംഗലം കാടാതുരുത്ത് എസ്എന്ഡിപിശാഖാ യോഗത്തിന്റെ മൗനജാഥ വൈകിട്ട് തുറവൂര്കവലയില് വളമംഗലം തെക്ക് ഭാഗത്ത് എസ്എന്ഡിപിശാഖാ യോഗത്തിന്റെ മൗനജാഥയുമായി സംഗമിച്ചു. രാവിലെ എസ്എന്ഡിപി യൂത്ത്മൂവ്മെന്റ് പ്രവര്ത്തകര് ബൈക്ക് റാലിയും നടത്തി. അരൂര്, എഴുപുന്ന, കോടംതുരുത്ത്, കുത്തിയതോട്, തുറവൂര്, പട്ടണക്കാട്, വയലാര്, കടക്കരപ്പള്ളി പഞ്ചായത്തുകളിലെ വിവിധ പ്രദേശങ്ങളിലും സമാധി ദിനമാചരിച്ചു.
മുഹമ്മ പള്ളിക്കുന്ന് കൃഷ്ണവിലാസം 543-ാം നമ്പര് ശാഖയുടെ നേതൃത്വത്തില് സമാധി ദിനാചരണം നടത്തി. പി. കുഞ്ഞുമോന്ശാന്തി സമാധിദിന സന്ദേശം നല്കി. പ്രസിഡന്റ് ടി.ആര്. സോമന് അദ്ധ്യക്ഷത വഹിച്ചു.
തത്തംപള്ളി കറുകയില് വാര്ഡ് ഗുരുസമാധി ദിനാചരണത്തില് കെ.എ. സുഭാഷ് ഭദ്രദീപം തെളിയിച്ചു. തുടര്ന്നു നടന്നകഞ്ഞിവീഴ്ത്തല് ആര്. കൈലാസന് നിര്വ്വഹിച്ചു.
ചേര്ത്തല ശ്രീനാരായണ ബോയ്സ് ഹയര് സെക്കന്ററി സ്കൂളിന്റെയും മഹാസമാധി ദിനാചരണ കമ്മറ്റിയുടെയും ആഭിമുഖ്യത്തില് സംഘടിപ്പിച്ച സമാധി ദിനാചരണ പൊതു സമ്മേളനം മന്ത്രി തോമസ് ഐസക് ഉദ്ഘാടനം ചെയ്തു. കമ്മിറ്റി ചെയര്മാന് സി.കെ. വിജയഘോഷ് ചാരങ്കാട്ട് അദ്ധ്യക്ഷത വഹിച്ചു. നഗരസഭാദ്ധ്യക്ഷന് ഐസക് മാടവന അനുസ്മരണ പ്രഭാഷണം നടത്തി. മനോജ് മാവുങ്കല് മുഖ്യപ്രഭാഷണം നടത്തി.
ഡി. ജ്യോതിഷ്, പി.എം. പുഷ്ക്കരന്, ടി.എസ്. അജയകുമാര് തുടങ്ങിയവര് പ്രസംഗിച്ചു. രാവിലെ സ്കൂളില് അദ്ധ്യാപിക വി. സൂര്യകുമാരി പതാക ഉയര്ത്തി. കളവംകോടം ശക്തീശ്വരം ക്ഷേത്രത്തില് നിന്നു ദീപശിഖാറാലിയും നടന്നു. തുടര്ന്ന് പുഷ്പാര്ച്ചനയും മഹാസമാധി സമൂഹപ്രാര്ത്ഥനയും വൈകിട്ട് നടന്ന നഗരത്തില് വര്ണമൗന മഹാജാഥയും നടത്തി.
പ്രതികരിക്കാൻ ഇവിടെ എഴുതുക: