ഇരിട്ടി: വൈദ്യുതി ലൈന് വലിക്കാനായി സ്ഥാപിച്ച പോസ്റ്റ് സ്ഥാപിച്ച് മണിക്കൂറുകള്ക്കകം ഒടിഞ്ഞു വീണു. കീഴൂര് മഹാദേവ ക്ഷേത്രത്തിന് മുന്വശത്ത് കീഴൂര് റോഡില് ബുധനാഴ്ച വൈകുന്നേരം സ്ഥാപിച്ച സിമന്റ് പോസ്റ്റ് ആണ് ലൈന് വലിക്കുന്ന ജീവനക്കാര് പോയശേഷം രാത്രി 7 മണിയോടെ ഒടിഞ്ഞു വീണത്. ഈ പോസ്റ്റ് വഴി ഇന്ന് ലൈന് വലിക്കാനിരിക്കെ ആണ് പോസ്റ്റ് ഒടിഞ്ഞു വീഴുന്നത്. പോസ്റ്റ് വീണത് രാത്രി ആയതിനാല് വന് അപകടമാണ് ഒഴിവായത്. ഇടതടവില്ലാതെ വാഹനങ്ങള് ഓടുകയും ഇരിട്ടി ഹയര്സെക്കന്ഡറി, കീഴൂര് വിയുപി സ്കൂള്, നിവേദിതാ വിദ്യാലയം തുടങ്ങിയ സ്ഥാപനങ്ങളിലേക്ക് നൂറു കണക്കിന് വിദ്യാര്ഥികളുംകടന്നു പോകുന്ന റോഡില് ഈ സമയത്താണ് പോസ്റ്റ് ഒടിഞ്ഞു വീണിരുന്നതെങ്കില്, വന് ദുരന്തം ഉണ്ടാകുമായിരുന്നു. പോരെങ്കില് ലൈന് വലിക്കാനായി പോസ്റ്റില് ജീവനക്കാര് കയറുമ്പോഴും പോസ്റ്റ് തകര്ന്നിരുന്നെങ്കിലും അതൊരു ദുരന്തമാകുമായിരുന്നു.
തീരേ ഗുണംകുറഞ്ഞ പോസ്റ്റുകളാണ് വൈദ്യുതി വകുപ്പ് ഉപയോഗിക്കുന്നതെന്ന ആരോപണവും ഇതോടൊപ്പം ഉയര്ന്നു കഴിഞ്ഞു. സാധാരണയായി ഇതില് ഉപയോഗിക്കേണ്ട നിശ്ചിത അളവിലുള്ള ഇരുമ്പ് കമ്പികള്ക്ക് പകരം ഗുണം കുറഞ്ഞതും നിശ്ചിത അളവിലല്ലാത്തതുമായ കമ്പികളും സിമന്റും മറ്റും കൊണ്ട് നിര്മ്മിച്ചത് മൂലമാണ് പോസ്റ്റ് ഒടിഞ്ഞു വീഴാന് കാരണമായതെന്ന് വാര്ഡ് കൗണ്സിലര് പി.രഘു ആരോപിച്ചു. ഇവിടെ ഇപ്പോള് ലൈന് വലിക്കുവാനായി സ്ഥാപിച്ചിരിക്കുന്ന മറ്റു പോസ്റ്റുകളും പരിശോധിക്കണമെന്നും ഗുണ നിലവാരം ഉറപ്പു വരുത്തണമെന്നും ഇതിനെപ്പറ്റി സമഗ്രമായ അന്വേഷണം നടത്തണമെന്നും രഘു ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: