കൊല്ലം: സുരക്ഷിത പച്ചക്കറി ഉത്പാദനത്തില് സ്വയംപര്യാപ്തത കൈവരിക്കുന്നതിനായി സംസ്ഥാന കൃഷിവകുപ്പ് ആവിഷ്കരിച്ച് നടപ്പിലാക്കിയ പച്ചക്കറിവികസന പദ്ധതിയുടെ ജില്ലാതല അവാര്ഡ് ദാനം കൃഷിമന്ത്രി വി.എസ്.സുനില്കുമാര് ഉദ്ഘാടനം ചെയ്യും. 26ന് രാവിലെ 11.30ന് കൊല്ലം ചിന്നക്കട സിഎസ്ഐ കണ്വെന്ഷന് സെന്ററില് നടക്കുന്ന ചടങ്ങില് എം.മുകേഷ് എംഎല്എ അധ്യക്ഷത വഹിക്കും. പ്രിന്സിപ്പല് കൃഷി ഓഫീസര് എ.ഗിരിജാകുമാരി പദ്ധതി വിശദീകരണം നടത്തും. മികച്ച വിദ്യാര്ത്ഥികള്, സ്ഥാപനമേധാവികള് എന്നിവര്ക്കുള്ള അവാര്ഡ് ദാനം മേയര് വി.രാജേന്ദ്രബാബുവും മികച്ച സ്കൂള്, അധ്യാപകര്, സ്ഥാപന മേധാവികള് എന്നിവര്ക്കുള്ള അവാര്ഡ് ദാനം ജില്ലാ പഞ്ചായത്ത് പ്രസിഡന്റ് കെ.ജഗദമ്മയും നിര്വഹിക്കും.
ജില്ലാ കളക്ടര് മിത്ര.ടി മികച്ച വിജ്ഞാന വ്യാപന പ്രവര്ത്തര്ക്കുള്ള അവാര്ഡുകള് വിതരണം ചെയ്യും. ഡെപ്യൂട്ടി മേയര് വിജയ ഫ്രാന്സിസ്, ജില്ലാ പഞ്ചായത്ത് വൈസ് പ്രസിഡന്റ് എം.ശിവശങ്കരപിള്ള, കോര്പ്പറേഷന് വികസനകാര്യ സ്റ്റാന്റിംഗ് കമ്മിറ്റി ചെയര്മാന് എം.എ.സത്താര്, ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ആശാ ശശിധരന്, വിദ്യാഭ്യാസ ഡെപ്യൂട്ടി ഡയറക്ടര് കെ.എസ്.ശ്രീകല, കൗണ്സിലര് റീനാ സെബാസ്റ്റ്യന് സംസ്ഥാന-ജില്ലാ കാര്ഷികവികസന സമിതിയംഗങ്ങള് തുടങ്ങിയവര് പങ്കെടുക്കും. കൃഷിവകുപ്പ് ഡയറക്ടര് ബിജു പ്രഭാകര് സ്വാഗതവും കൃഷി ഡെപ്യൂട്ടി ഡയറക്ടര് എസ്.ലീനാകുമാരി നന്ദിയും പറയും.
രാവിലെ 10ന് നടക്കുന്ന സുരക്ഷിതപച്ചക്കറി ഉല്പാദനം-സസ്യസംരക്ഷണ മുറകള് എന്ന കാര്ഷിക സെമിനാറില് ഡോ ജി സുജ വിഷയം അവതരിപ്പിക്കും.
പ്രതികരിക്കാൻ ഇവിടെ എഴുതുക: