കോട്ടയം: പിറവം റോഡിനും കുറുപ്പന്തറയ്ക്കുമിടയില് ഇരട്ടപ്പാത കമ്മീഷന് ചെയ്യുന്ന ജോലികള് നടക്കുന്നതിനാല് ഇന്നും നാളെയും ഒക്ടോ. ഒന്നിനും കോട്ടയം-എറണാകുളം റെയില്പാതയില് ട്രെയിന് ഗതാഗതം തടസ്സപ്പെടും. ഇന്ന് കോട്ടയം വഴി പോകേണ്ട കന്യാകുമാരി-മുംബൈ സിഎസ്ടി എക്സ്പ്രസ് ആലപ്പുഴവഴി തിരിച്ചുവിടും. എറണാകുളം-കായംകുളം പാസഞ്ചര് റദ്ദാക്കി, കേരള, ശബരി എക്സ്പ്രസുകള് പത്തുമിനിട്ട് വീതം പിടിച്ചിടും. കൊല്ലം-എറണാകുളം മെമു 30മിനിട്ട് വൈകിയേ പുറപ്പെടു. മറ്റന്നാള് എറണാകുളം-കായംകുളം പാസഞ്ചര്, കൊല്ലം-എറണാകുളം മെമു, എറണാകുളം-കൊല്ലം മെമു, എറണാകുളം-കൊല്ലം പാസഞ്ചര് എന്നിവ റദ്ദാക്കി. പുനലൂര്-ഗുരുവായൂര് പാസഞ്ചര് ഇടപ്പള്ളിക്കും പുനലൂരിനുമിടയില് റദ്ദാക്കി. കന്യാകുമാരി-മുംബൈ സിഎസ്ടി ഒരുവ മണിക്കൂര് വൈകും. . നാഗര്കോവില്-മംഗലാപുരം പരശുറാം, തിരുവനന്തപുരം-ഹൈദരാബാദ്, ശബരി, ലോകമാന്യ തിലക്-കൊച്ചുവേളി, ഗരീബ് രഥ്, ന്യൂഡല്ഹി-തിരുവനന്തപുരം കേരളാ എക്സ്പ്രസ് എന്നിവ ആലപ്പുഴവഴി തിരിച്ചുവിടും. 1ന് തടസ്സപ്പെടുന്ന ട്രെയിനുകളുടെ വിവരങ്ങള് പിന്നീട് അറിയിക്കും.
പ്രതികരിക്കാൻ ഇവിടെ എഴുതുക: