ഏര്പ്പെടുത്തുന്നത് സര്ക്കാരിന്റെ പരിഗണനയിലാണെന്ന് വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ്. എലിക്കുളം എംജിഎം യുപി സ്കൂളില് പുതുതായി പണിതീര്ത്ത കെട്ടിടത്തിന്റെ ഉദ്ഘാടനം നിര്വഹിക്കുകയായിരുന്നു അദ്ദേഹം.മുഴുവന് എല്.പി, യു.പി വിഭാഗങ്ങളിലും സ്മാര്ട്ട് ക്ലാസ് മുറികള് ക്രമീകരിക്കും. എട്ടാം ക്ലാസ് വരെയുള്ള വിദ്യാര്ഥികള്ക്ക് സൗജന്യമായി യൂണിഫോം നല്കും. പൊതുവിദ്യാഭ്യാസരംഗത്തെ ജനകീയവല്ക്കരിക്കുന്നതിന്റെ ഭാഗമായി വിദ്യാലയങ്ങളോട് ചേര്ന്ന് വിദ്യാലയ വികസന സമിതികള് രൂപീകരിക്കുമെന്നും മന്ത്രി പറഞ്ഞു. സ്കൂള് മാനേജര് എം.ജി. മോഹനകുമാറിന്റെ അധ്യക്ഷതയില് എലിക്കുളം പഞ്ചായത്ത് പ്രസിഡന്റ് എം.പി.സുമംഗലാ ദേവി, ജില്ലാ പഞ്ചായത്തംഗം സെബാസ്റ്റ്യന് കുളത്തുങ്കല്, ബ്ലോക്ക് പഞ്ചായത്തംഗം സാജന് തൊടുക, ഡൈനി ജോര്ജ്, ഡിഇഒ ലൗലി സൈമണ്, എഇഒ സി.എന്. തങ്കച്ചന്, എന്എസ്എസ് മേഖലാ കണ്വീനര് എം.ബി. അനില്കുമാര്, എം.രാമചന്ദ്രന് നായര്, സെബാസ്റ്റ്യന് പാറക്കല്, എസ്.ഷാജി, പ്രഫ.എം.കെ.രാധാകൃഷ്ണന് നായര്, സി.മനോജ്, പ്രഥമാധ്യാപകന് പി.എന്.പ്രദീപ്കുമാര്, പി.ടി.എ പ്രസിഡന്റ് ജോയി ജോസഫ് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: