കണ്ണൂര്: കണ്ണൂര് സര്വ്വകലാശാല എന്എസ്എസ് സ്കീം വിഭാഗം വിവിധ യൂണിറ്റുകളുടെ കൂട്ടായ്മയിലും നിര്മ്മലഗിരി കോളേജിന്റെ ആഭിമുഖ്യത്തിലും പൂര്ത്തിയാക്കിയ ഓണത്തിനൊരു വീട് പദ്ധതിയിലെ ആദ്യവീടിന്റെ താക്കോല്ദാനം നടന്നു. എന്എസ്എസ് പ്രോഗ്രാം കോ-ഓര്ഡിനേറ്റര് കെ.പി.മുഹമ്മദ് അധ്യക്ഷത വഹിച്ചു. വൈസ് ചാന്സിലര് ഡോ.എം.കെ.അബ്ദുള് ഖാദര് താക്കോല്ദാനം നിര്വ്വഹിച്ചു. സര്വ്വകലാശാലക്ക് കീഴിലുള്ള 80 എന്എസ്എസ് യൂണിറ്റുകളിലെ എട്ടായിരത്തോളം വളണ്ടിയര്മാരാണ് വീടു നിര്മ്മാണത്തിനാവശ്യമായ പണം കണ്ടെത്തിയത്. ഇങ്ങനെ സമാഹരിച്ച ഏഴുലക്ഷത്തോളം രൂപ ഉപയോഗിച്ചാണ് നിര്മ്മലഗിരക്കടുത്ത ആയിത്തറയില് വീടു നിര്മ്മാണം പൂര്ത്തിയാക്കിയത്. സര്വ്വകലാശാല എന്എസ്എസ് യൂണിറ്റുകളുടെ ആഭിമുഖ്യത്തില് കഴിഞ്ഞവര്ഷം മാത്രം ആറു വീടുകള് ദുര്ബ്ബല വിഭാഗങ്ങള്ക്കായി നിര്മ്മിച്ചു നല്കിയിട്ടുണ്ട്. ഈ വര്ഷം തന്നെ ഡിഐഎ കോളേജ് പാറാലിന്റെ നേതൃത്വത്തില് ഒരു വീടിന്റെ പണി കൂടി പൂര്ത്തിയായി വരുന്നു.
താക്കോല്ദാനച്ചടങ്ങില് നിര്മ്മലഗിരി കോളേജ് പ്രിന്സിപ്പാള് ഡോ.എന്.ജെ.സെലീന, സിണ്ടിക്കേറ്റ് മെമ്പര് ഡോ.ജോണ് ജോസഫ്, ഫാ.പോള് വള്ളോപ്പിള്ളി, പ്രോഗ്രാം ഓഫീസര്മാരായ ഫാ.മാര്ട്ടിന് ജോസഫ്, സിസ്റ്റര് സുജുമോള് ജോസഫ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: