പേരാമ്പ്ര: ചക്കിട്ടപാറയില് ഭക്ഷ്യവിഷബാധയെ തുടര്ന്ന് ഒരേകുടുംബത്തിലെ ആറ് പേരുള്പെടെ നിരവധി പേര് ആശുപത്രിയില്.
ചക്കിട്ടപാറ മറുമണ്ണ് മച്ചിലത്ത് കുഞ്ഞിക്കണാരന്റ ഭാര്യ ദേവി ( 53), മക്കളായ ദിലീപ് (31), ദിലീപിന്റെഭാര്യ ഷിജി (26),ദിഗേഷ് (27), ദിഗേഷിന്റെ ഭാര്യ അനുശ്രീ ( 25), ദിലീപിന്റെ മകള് ശ്രീനന്ദ (7), എന്നിവര്ക്കാണ് ഭക്ഷ്യവിഷബാധയേറ്റത്. ഇവരെ പേരമ്പ്ര സഹകരണ ആശുപത്രിയില് പ്രവേശിപ്പിച്ചുപ്രദേശത്ത് ശരീരിക അസ്വസ്ഥത അനുഭവപ്പെട്ട മറ്റു ചിലരും പേരാമ്പ്രയിലെ സ്വകാര്യ ആശുപത്രിയില് ചികിത്സ തേടിയിട്ടുണ്ട്.
തിങ്കളാഴ്ച വാങ്ങിയ മത്സ്യം കഴിച്ചാണ് കുടുംബത്തിലെ ആറു പേര്ക്കും വയറുവേദനയും ഛര്ദിയും ദേഹമാസകലം വേദനയും അനുഭവപ്പെട്ടത്. പിന്നീട് വയറിളക്കം ഉണ്ടായതോടെ ആശുപത്രിയില് എത്തിക്കുകയായിരുന്നു. പേരാമ്പ്ര താലൂക്ക് ആശുപത്രിയില് ആദ്യം ചികിത്സ തേടിയെത്തിയവരെ പിന്നീട് താലൂക്ക് ആശുപത്രിയിലേക്ക് മാറ്റുകയായിരുന്നു.
ആരോഗ്യ വകുപ്പ് സംഭവത്തില് വിശദമായ അന്വേഷണം നടത്തിയാലേ യഥാര്ത്ഥ കാരണമെന്തെന് വ്യക്തമാവുകയുള്ളൂവെന്ന് മെഡിക്കല് വിഭാഗം പറയുന്നൂ.
പ്രതികരിക്കാൻ ഇവിടെ എഴുതുക: