കണ്ണൂര്: കണ്ണൂര് റവന്യൂ ജില്ലാ സ്കൂള് ഗെയിംസ് മത്സരങ്ങള് ഇന്നും നാളെയുമായി നടക്കും. 19 വയസ്സിന് താഴെയുള്ള ആണ്കുട്ടികളുടെ ഫുട്ബോള് മത്സരം മുനിസിപ്പല് സ്റ്റേഡിയത്തിലും ക്രിക്കറ്റ് മത്സരം കലക്ട്രേറ്റ് മൈതാനിയിലും നടക്കും. 3, 4 തിയ്യതികളില് 17 വയസ്സിന് താഴെയുള്ള ആണ്കുട്ടികളുടെ ഫുട് ബോള് മത്സരം മുനിസിപ്പല് സ്റ്റേഡിയത്തിലും ക്രിക്കറ്റ് മത്സരം കലക്ട്രേറ്റ് മൈതാനിയിലും നടക്കും. 4ന് 17 വയസ്സിന് താഴെയുള്ള ആണ്കുട്ടികളുടെയും പെണ്കുട്ടികളുടെയും 5ന് 19 വയസ്സിന് താഴെയുള്ള ആണ്കുട്ടികളുടെയും പെണ്കുട്ടികളുടെയും ഹോക്കി മത്സരങ്ങള് ഗവ.ഹയര്സെക്കണ്ടറി സ്കൂള് മുണ്ടേരിയില്വെച്ച് നടക്കും. 14 വയസ്സിനും 17 വയസ്സിനും താഴെയുള്ള ആണ്കുട്ടികളുടെയും പെണ്കുട്ടികളുടെയും ബാഡ്മിന്റ് ഷട്ടില് 5ന് മുണ്ടയാട് ഇന്റോര് സ്റ്റേഡിയത്തില് നടക്കും. 6ന് 17 വയസ്സിന് താഴെയുള്ള ആണ്കുട്ടികളുടെയും പെണ്കുട്ടികളുടെയും ഖൊ-ഖൊ, കബഡി, ഹാന്റ് ബോള് എന്നീ മത്സരങ്ങള് ജിവിഎച്ച്എസ്എസ് കണ്ണൂരിലും, 14, 17 വയസ്സിന് താഴെയുള്ള ആണ്-പെണ് വിഭാഗം ടേബിള് ടെന്നീസ് മത്സരം ജില്ലാ സ്പോര്ട്സ് കൗണ്സില് ഹാളില് വെച്ചും നടക്കും. 7ന് 19 വയസ്സിന് താഴെയുള്ള ആണ്കുട്ടികളുടെയും പെണ്കുട്ടികളുടെയും ഖൊ-ഖൊ , കബഡി, ഹാന്റ് ബോള് എന്നിവ കലക്ട്രേറ്റ് മൈതാനിയിലും ബാസ്കറ്റ് ബോള്, വോളീബോള് മത്സരങ്ങള് ജിവിഎച്ച്എസ്എസ് കണ്ണൂരിലും 19 വയസ്സിന് താഴെയുള്ള ആണ്-പെണ് വിഭാഗത്തിന്റെ ടേബിള് ടെന്നീസ് മത്സരം ജില്ലാ സ്പോര്ട്സ് കൗണ്സില് ഹാളില്വെച്ചും 14, 17, 19 വയസ്സിന് താഴെയുള്ള ആണ്-പെണ് വിഭാഗം ലോണ് ടെന്നീസ് മത്സരം ടെന്നീസ് കോര്ട്ടിലും നടക്കും. 15 സബ് ജില്ലയില് നിന്നുള്ള ഗെയിംസ് ടീമുകളാണ് മത്സരത്തില് പങ്കെടുക്കുക.
പ്രതികരിക്കാൻ ഇവിടെ എഴുതുക: