കൊച്ചി: നീറ്റ് പരീക്ഷ വിജയകരമായി നടത്തിയ കേന്ദ്രസര്ക്കാരിനെ അഭിനന്ദിക്കണമെന്ന് കേരള കോണ്ഗ്രസ് ചെയര്മാനും എന്ഡിഎ ദേശീയ സമിതി അംഗവുമായ പി.സി. തോമസ്. പരീക്ഷ എത്ര ‘നീറ്റായി’ നടത്തിയാലും അതിന്റെ ശോഭ കെടുത്താന് സംസ്ഥാന സര്ക്കാരിന് കഴിയും എന്നതാണ് കേരളസര്ക്കാര് കാട്ടിത്തരുന്നത്. നിരുത്തരവാദപരമായ പരാമര്ശങ്ങള് മുഖ്യമന്ത്രി ഒഴിവാക്കണമെന്നും അദ്ദേഹം ആവശ്യപ്പെട്ടു. കേരളത്തിലെ ജനകീയ പ്രശ്നങ്ങള്ക്ക് പരിഹാരം കാണുവാന് വിവിധ കമ്മറ്റികള് രൂപീകരിച്ച് പ്രത്യേക ശ്രദ്ധ നല്കുവാന് എന്ഡിഎ യോഗം തീരുമാനിച്ചതായി പി.സി. തോമസ് പറഞ്ഞു. റബ്ബര് വില സംരക്ഷിക്കാനായി റബ്ബര് പാര്ക്കുകള് സ്ഥാപിക്കണം. ഇവ ഇന്ത്യ ലിമിറ്റഡ് മാതൃകയിലായിരിക്കണം. അതിനായി സ്ഥലം കണ്ടെത്താന് സംസ്ഥാന സര്ക്കാര് മുന്കൈ എടുക്കണമെന്നും അദ്ദേഹം ആവശ്യപ്പെട്ടു. കാര്ഷിക മേഖലക്ക് പുത്തന് ഉണര്വ്വുണ്ടാകുന്ന രീതിയിലാണ് ഹരിതോത്സവം 2016 മറൈന് ഡ്രൈവില് സംഘടിപ്പിക്കുന്നത്. കേരളത്തിലെ എല്ലാ കര്ഷകസംഘടനകളും മറ്റ് സംഘടനകളും ഇതിന്റെ ഭാഗമാണെന്നും പി.സി. തോമസ് വ്യക്തമാക്കി. അടുത്തമാസം 7 മുതല് 16 വരെ യാണ് ഹരിതോത്സവം 2016.
പ്രതികരിക്കാൻ ഇവിടെ എഴുതുക: