കണ്ണൂര്: പാക്കിസ്ഥാന് ഭാരതത്തിനെതിരെ ഒളിഞ്ഞും തെളിഞ്ഞും നടത്തിക്കൊണ്ടിരിക്കുന്ന ഭീകരാക്രമണങ്ങള്ക്ക് കനത്ത തിരിച്ചടി നല്കിക്കൊണ്ട് ഭാരതസൈന്യം കഴിഞ്ഞ ദിവസം പാക്കിസ്ഥാനിലെ തീവ്രവാദ കേന്ദ്രങ്ങള്ക്ക് നേരെ വിജയകരമായി നടത്തിയ സൈനിക നീക്കത്തിന് അഭിവാദ്യം അര്പ്പിച്ച് ജില്ലയുടെ വിവിധ ഭാഗങ്ങളില് ബിജെപി പ്രവര്ത്തകര് പ്രകടനം നടത്തി. കണ്ണൂര് നഗരത്തില് നടന്ന പ്രകടനത്തിന് ബിജെപി ദേശീയ സമിതിയംഗം പി.കെ.ലായുധന്, സംസ്ഥാന സെല് കോഡിനേറ്റര് കെ.രഞ്ചിത്ത്, സംസ്ഥാന സമിതിയംഗം എ.ദാമോദരന്, ജില്ലാ പ്രസിഡണ്ട് പി.സത്യപ്രകാശ്, ജില്ലാ ജനറല് സെക്രട്ടറി കെ.കെ.വിനോദ്കുമാര്, വൈസ് പ്രസിഡണ്ട് കെ.രാധാകൃഷ്ണന്, സംസ്ഥാന കൗണ്സില് അംഗം ആര്.കെ.ഗിരിധരന്, അഡ്വ.ശ്രീകാന്ത് രവിവര്മ്മ, കെ.എന്.വിനോദ് മാസ്റ്റര്, എം.കെവിനോദ്, എ.ഒ.രാമചന്ദ്രന് തുടങ്ങിയവര് നേതൃത്വം നല്കി. പ്രകടനം പഴയ ബസ് സ്റ്റാന്റ് പരിസരത്ത് സമാപിച്ചു. തുടര്ന്ന് നടന്ന പൊതുയോഗത്തില് പി.സത്യപ്രകാശ്, എം.കെ.വിനോദ് തുടങ്ങിയവര് സംസാരിച്ചു.
ആലക്കോട്: ആലക്കോട് ടൗണില് നടന്ന പ്രകടനത്തിന് പി.വി.ബാലന്, പി.കെ.പ്രകാശ്, കെ.കെ.നാരായണന്, പി.കെ.ശ്രീകുമാര്, അഡ്വ.സി.ജി.രാജഗോപാല്, സി.ജി.ഗോപന് തുടങ്ങിയവര് നേതൃത്വം നല്കി. തളിപ്പറമ്പ് നഗരത്തിലും ബിജെപിയുടെ ആഭിമുഖ്യത്തില് പ്രകടനവും പൊതുയോഗവും നടത്തി.
പ്രതികരിക്കാൻ ഇവിടെ എഴുതുക: