തലശ്ശേരി: ശ്രീ ദുര്ഗ്ഗാംബിക ക്ഷേത്രത്തിലെ നവരാത്രി ആഘോഷം ഇന്ന് മുതല് 11 വരെ നടക്കും. ഇന്ന് വൈകുന്നേരം 6 മണിക്ക് പ്രഭാഷണം, നാളെ വൈകുന്നേരം 6 ന് ഭക്തിഗാനസുധ, 4 ന് വൈകുന്നേരം 6 ന് ഭജന, 5 ന് ശാസ്ത്രീയ സംഗീതം, 6 മുതല് 8 വരെ തീയ്യതികളില് വൈകുന്നേരം 6 ന് ഭജന, 9 ന് വൈകുന്നേരം പ്രഭാഷണം, ഗ്രന്ഥം വെപ്പ്, 10 ന് നവരാത്രി പൂജകള്, ഉച്ചക്ക് അന്നദാനം, രാത്രി 8 മണി വരെ പൂമൂടല്, വാഹനപൂജ, 11 ന് രാവിലെ 10 മണി മുതല് വിദ്യാരംഭം എന്നിവ നടക്കും.
തലശ്ശേരി മണ്ണയാട് ശ്രീ ചിറക്കക്കാവ് ഭഗവതിക്ഷേത്രത്തില് നവരാത്രി മഹോത്സവം ഇന്ന് മുതല് 11 വരെ നടക്കും. ആഘോഷത്തിന്റെ ഭാഗമായി ഇന്ന് വൈകുന്നേരം 5 ന് പ്രഭാഷണം, തുടര്ന്ന് വിവിധ ദിവസങ്ങളിലായി ഭജന, ഓട്ടന്തുള്ളല്, വേദപുഷ്പാഞ്ജലി, വിവിധ കലാപരിപാടികള്, നവരാത്രി ദീപസമര്പ്പണം എന്നിവ ഉണ്ടായിരിക്കും.
കാവുംഭാഗം ഇടത്തട്ട ശ്രീ ദുര്ഗ്ഗാഭഗവതി ക്ഷേത്രത്തില് നവരാത്രി ആഘോഷം ഇന്ന് മുതല് 11 വരെ വിവിധ പരിപാടികളോടെ ആഘോഷിക്കും. തലശ്ശേരി തിരുവങ്ങാട് ശ്രീരാമസ്വാമി ക്ഷേത്രത്തില് നവരാത്രി സംഗീതോത്സവം ഇന്ന് മുതല് 11 വരെ നടക്കും. കാവുംഭാഗം സ്വയംഭൂ ഗണപതി ക്ഷേത്രത്തില് നവരാത്രി ആഘോഷം ഇന്ന് മുതല് 11 വരെ നടക്കും. ക്ഷേത്ര പ്രതിഷ്ഠാദിനമായ 11 ന് വിദ്യാരംഭവും വാഹനപൂജയും ഉറികലമുടക്കലും ഉച്ചക്ക് അന്നദാനവും ഉണ്ടായിരിക്കും.
ചിറക്കല് പുഴാതി ശ്രീസോമേശ്വരി ക്ഷേത്രത്തില് നവരാത്രി ആഘോഷം ഇന്ന് മുതല് 11 രെ നടക്കും. 4 വരെ വൈകുന്നേരം 6.15 ന് കെ.എന്.രാധാകൃഷ്ണന് മാസ്റ്റര്, ഉണ്ണികൃഷ്ണവാര്യര് പട്ടാന്നൂര് എന്നിവര് പ്രഭാഷണം നടത്തും. 5 ന് ശാസ്ത്രീയ സംഗീതാലാപനം, 6 ന് കുട്ടികളുടെ കലാപരിപാടികള്, 7 ന് അഡ്വ.എ.വി.കേശവന്റെ പ്രഭാഷണം, 8 ന് കുട്ടികളുടെ കലാപരിപാടികള്, 9 ന് സംഗീതക്കച്ചേരി, 10 ന് കാര്ത്യായനി പൂജ, ശാസ്ത്രീയ സംഗീതം, 11 ന് വിദ്യാരംഭം, ദീപാരാധന, ഭജന എന്നിവ നടക്കും.
കണ്ണൂര് സുന്ദരേശ്വര ക്ഷേത്രത്തില് നവരാത്രി ആഘോഷം 11 വരെ നടക്കും. എല്ലാദിവസവും സരസ്വതിപൂജ, 10 ന് മഹാനവമിപൂജ, ആയുധപൂജ, വാഹനപൂജ, 11 ന് രാവിലെ മുതല് വിദ്യാരംഭം എന്നിവ നടക്കും.
ചൊവ്വ യാദവതതെരു ശ്രീ കാഞ്ചികാമാക്ഷിയമ്മന് കോവിലില് നവരാത്രിയാഘോഷത്തിന്റെ ഭാഗമായി നാളെ രാത്രി 8 മണിക്ക് സിനിമാറ്റിക് ഡാന്സ്, 4 ന് മെഗാഷോ, 5 ന് ഗാനമേള, 6 , 7 തീയ്യതികളില് സിനിമാറ്റിക് ഡാന്സ്, 8, 9 തീയ്യതികളില് ഗാനമേള, 9, 10 തീയ്യതികളില് ഉച്ചക്ക് അന്നദാനം, 10 ന് നൃത്തസന്ധ്യ, വാഹനപൂജ, ആയുധപൂജ, രാത്രി 10 ന് മാവിളക്ക് പൂജ, 11 ന് രാവിലെ മുതല് വിദ്യാരംഭം, വൈകുന്നേരം 6 ന് രഥോത്സവം എന്നിവ നടക്കും.
പ്രതികരിക്കാൻ ഇവിടെ എഴുതുക: