മട്ടാഞ്ചേരി: വൈവിധ്യതയുടെ സവിശേഷതയുമായി നവരാത്രി ആഘോഷം ശ്രദ്ധേയമാകുന്നു. മട്ടാഞ്ചേരി, ഫോര്ട്ടുകൊച്ചി ദേശങ്ങള് നവരാത്രി ആഘോഷ ലഹരിയിലാണ്. വീടുകള് സാംസ്ക്കാരിക കേന്ദ്രങ്ങള് ക്ഷേത്രങ്ങള് എന്നിവിടങ്ങളിലായാണ് ആഘോഷം നടക്കുന്നത്. കൊങ്കണികള്, തമിഴ് ബ്രാഹ്മണര്, തെലുങ്ക് ചെട്ടിയാര്, ഉടുപ്പി ബ്രാഹ്മണര് തുടങ്ങിയ സമൂഹങ്ങളും കര്ണ്ണാടക ആന്ധ്രാ മഹാരാഷ്ട്ര സംസ്ഥാനക്കാരും വീടുകളില് ബൊമ്മക്കോലുകളൊരുക്കി നവരാത്രി ദിനാഘോഷിക്കുന്നത്.
ഗൗഡസാരസ്വത ബ്രാഹ്മണര്, വൈശ്യ സമൂഹം, ദൈവജ്ജ ബ്രാഹ്മണര്, സാരസ്വത്സ്, കുഡുംബി സമൂഹം, മറാഠികള് തുടങ്ങിയവര് വീടുകളില് ബൊമ്മക്കോലു അലങ്കരിച്ചും ത്രി ശക്തി ദേവതാപൂജകള് നടത്തിയുമാണ് നവരാത്രി ആഘോഷിക്കുന്നത്. വീടുകളിലെത്തുന്ന സുമംഗലികളെ ആദരിക്കുന്ന ചടങ്ങ് മറ്റൊരു സവിശേഷതയാണ്. തമിഴ് ബ്രാഹ്മണര് വീടുകളില് പൂജയ്ക്കൊപ്പം സംഗീതാര്ച്ചനയും നൃത്താവതരണവും നടത്തും.
കര്ണ്ണാടക ദേശക്കാരുടെ ക്ഷേത്രങ്ങളായ ശേര്വാടി മഹാ ജനവാടി ക്ഷേത്രങ്ങളില് നവരാത്രി പൂജ ഗുഹാലങ്കാരം തുടങ്ങിയവ നടക്കും. ദേവീദര്ശനമാണ് ഇവിടങ്ങളിലെ സവിശേഷ ചടങ്ങ്. ബംഗാളി ദല്ഹി ദേശക്കാര് സാംസ്കാരിക കേന്ദ്രങ്ങളില് പൂജാ ആരതിയുമായി ദുര്ഗ്ഗാ പൂജകള് നടത്തും. ഗുജറാത്തി വടക്കേയിന്ത്യന് സമൂഹങ്ങള് സാമുദ്രി മാതാ ദരിയസ്ഥാന് മണി കര്ണേശ്വര് ക്ഷേത്രങ്ങളില് ഒത്തുചേര്ന്ന് ദേവീ ശ്രീകൃഷ്ണ സ്തുതികള് പാടി ദാണ്ഡിയ ദര്ഭാ നൃത്തങ്ങളുമായി നവരാത്രി രാവുകളെ ആഘോഷിക്കും. നവരാത്രി ആഘോഷത്തോടനുബന്ധിച്ച് വിവിധക്ഷേത്രങ്ങളില് നാരിപൂജ, കുമാരിപൂജ, ചണ്ഡിക ഹവനം, ദേവീ ഭാഗവത പാരായണം തുടങ്ങിയവയും ഭജന സംഗീതാര്ച്ചന, നൃത്തനൃത്ത്യങ്ങള്, താലം വരവ്, ആദരിക്കല് തുടങ്ങി ചടങ്ങുകളും നടക്കും.
അമരാവതി ആല്ത്തറ ഭഗവതി ക്ഷേത്ര നവരാത്രി ആഘോഷം കൊടിയേറ്റ് ഉത്സവ ചടങ്ങുകളുമായാണ് നടക്കുന്നത്. കുവപ്പാടം മുല്ലയ്ക്കല് വനദുര്ഗ്ഗാക്ഷേത്രം, കാമാക്ഷിയമ്മന് ക്ഷേത്രം, ശിവ മാരിയമ്മന് ക്ഷേത്രം, ചെറളായി മഹാലക്ഷ്മിക്ഷേത്രം, മുത്താരമ്മന് ക്ഷേത്രം, ചെറളായി വെങ്കടേശസേവാസമിതി എന്നിവിടങ്ങളില് നവരാത്രി ആഘോഷത്തോടനുബന്ധിച്ച് പ്രത്യേകപൂജ, പ്രസാദ വിതരണം കലാപരിപാടികള് എന്നിവ നടക്കും.
പ്രതികരിക്കാൻ ഇവിടെ എഴുതുക: