കരുനാഗപ്പള്ളി: അക്ഷയശ്രീ സ്വയംസഹായസംഘങ്ങളുടെ കരുനാഗപ്പള്ളി മേഖലാ കണ്വന്ഷന് ചങ്ങന്കുളങ്ങരയില് നടന്നു. കണ്വന്ഷന് രാഷ്ട്രീയ സ്വയംസേവക സംഘം കൊല്ലം ഗ്രാമ ജില്ലാ കാര്യവാഹ് ആര്.ബാഹുലേയന് ഉദ്ഘാടനം ചെയ്തു. സ്വാവലംബിത ഗ്രാമങ്ങളില് കൂടി സാമ്പത്തിക രംഗത്ത് വിപ്ലവകരമായ മാറ്റം വരുത്തുന്നതിനും ഗുണമേന്മയുള്ള ഉല്പ്പന്നങ്ങള് ഉപഭോക്താക്കള്ക്ക് ലഭിക്കുന്നതിലൂടെ ബഹുരാഷ്ട്ര കമ്പനികള് ഉള്പ്പെടെയുള്ള വന്കുത്തകകള് രാഷ്ട്രത്തെ കൊള്ളക്കടിക്കുന്നതില് നിന്നും രക്ഷിക്കുന്നതിനും അക്ഷയശ്രീ പോലുള്ള സംഘങ്ങള്ക്ക് ഏറെ ചെയ്യാന് കഴിയുമെന്നു ബാഹുലേയന് പറഞ്ഞു. കുടുംബത്തില് കൂടി ഗ്രാമവും, ഗ്രാമത്തില് കൂടി നാടിന്റെ ഉയര്ച്ചയുമാണ് അക്ഷയശ്രീ ലക്ഷ്യം വയ്ക്കുന്നതെന്നും നാടിന്റെ സംസ്കാരത്തിനും പരസ്പരസഹകരണത്തിനും സ്വാശ്രയം, സ്വാഅവലംബം, സാമൂഹ്യസേവനം എന്നീ തത്വങ്ങളിലൂന്നിയ പ്രവര്ത്തനങ്ങളാണ് ലക്ഷ്യം മിടുന്നതെന്നും മുഖ്യ പ്രഭാഷണം നടത്തിയ സംസ്ഥാന കോഓര്ഡിനേറ്റര് കെ.യു.ഷാജി പറഞ്ഞു. സഹകാര്ഭാരതി ജില്ലാ വൈസ് പ്രസിഡന്റ് ആര്.മോഹനന്റെ അദ്ധ്യക്ഷതയില് കൂടിയ യോഗത്തില് ഓമനക്കുട്ടന്, ജഗന്നാഥന്, സുധീഷ്, ഹരികുമാര്, അനില്കുമാര്, ബിജു, ജി.പി.വേണു എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: