ദമാസ്ക്കസ്: സിറിയയില് കുര്ദിഷ് വിവാഹ ചടങ്ങിനിടെയുണ്ടായ ചാവേര് സ്ഫോടനത്തില് 30 പേര് കൊല്ലപ്പെട്ടു. 90 പേര്ക്ക് പരിക്കേറ്റു .സിറിയയിലെ വടക്ക് കിഴക്കന് സംസ്ഥാനമായ ഹസാഖിലാണ് സംഭവം.
കല്യാണ ചടങ്ങിനിടെ വിവാഹ ഹാളിലേക്ക് ഓടിക്കയറിയ ചാവേര് ഉഗ്രശബ്ദത്തോടെ പൊട്ടിത്തെറിക്കുകയായിരുന്നുവെന്ന് സിറിയയിലെ ജനകീയ നേതാവ് രാമി അബ്ദേല് റഹ്മാന് വ്യക്തമാക്കി.കൊല്ലപ്പെട്ടവരില് അധികവും സ്ത്രീകളും കുട്ടികളുമാണ്.
22 പേര് സംഭവം നടന്ന സ്ഥലത്തുവെച്ചു എട്ടു പേര് ആശുപത്രിയില്വെച്ചുമാണ് കൊല്ലപ്പെട്ടത്. പരിക്കേറ്റ്ആശുപത്രിയില് ചികിത്സയില് കഴിയുന്ന പലരുടെയും നില ഗുരുതരമാണ്. മരണസംഖ്യ ഇനിയും ഉയരാന് സാധ്യതയുണ്ട്.
അതേസമയം സ്ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. ഇസ്ലാമിക് സ്റ്റേറ്റാകാം ആക്രമണത്തിന് പിന്നിലെന്നാണ് പ്രാഥമിക നിഗമനം.
സിറിയന് സര്ക്കാരിന്റെയും കുര്ദിഷ് സേനയുടെയും നിയന്ത്രണത്തിലുള്ള പ്രദേശത്താണ് ചാവേര് ആക്രമണമുണ്ടായത്.
പ്രതികരിക്കാൻ ഇവിടെ എഴുതുക: