സ്റ്റോക്ക്ഹോം: സാഹിത്യത്തിനുള്ള നൊബേല് സമ്മാനം പ്രഖ്യാപിക്കുക 13 നാണ്; അത് ആര്ക്കായിരിക്കും?
നമ്മുടെ നാട്ടിലെപ്പോലെയോ ബുക്കര് സമ്മാനത്തിനുള്ളപോലെയോ, ഇതിനു ചുരുക്കപ്പട്ടികയില്ല, ജൂറിയുമില്ല. ഒരാഴ്ച വൈകിയാണ്, ഇക്കുറി സാഹിത്യ നൊബേല്.
ബ്രിട്ടീഷ് പന്തയകമ്പനിയായ ലാഡ്ബ്രോക്സ് ഉയര്ത്തുന്ന ഊഹങ്ങള് മാത്രമാണ് സൂചന. അതനുസരിച്ച് സാധ്യതയുള്ളവര്: ജാപ്പനീസ് നോവലിസ്റ്റ് ഹറൂകി മുറാകാമി, കെനിയന് നോവലിസ്റ്റ് എന്ഗുഗി വാ തിയോംഗോ, നോര്വീജിയന് നോവലിസ്റ്റും നാടകകൃത്തുമായ ജോണ് ഫൊസ്സെ, അമേരിക്കന് എഴുത്തുകാരായ ജോയ്സ് കരോള് ഓട്ട്സ്, ഫിലിപ് റോത്ത്.
ഇത്രയും പേരുകള് കുറെക്കാലമായി വരുന്നുണ്ട്; അക്കൂട്ടത്തില് സിറിയന് കവി അഡോണിസിന്റെ പേരും കാണാം.
കഴിഞ്ഞ 11 വര്ഷത്തിനിടയില്, ലാഡ്ബ്രോക്സിന്റെ പട്ടികയില് വന്ന ഒരാള്ക്കേ നൊബേല് സമ്മാനം കിട്ടിയുള്ളൂ- 2006ല് ഓര്ഹന് പാമുക്ക്.
ഒട്ടും അറിയപ്പെടാത്ത എഴുത്തുകാര്ക്ക് സമ്മാനം കിട്ടാറുണ്ട്; എന്നുവച്ചാല്, അമേരിക്ക അറിയാത്ത എഴുത്തുകാര്ക്ക്. അമേരിക്കയില്, അധികം പരിഭാഷകള് പുറത്തിറങ്ങാറില്ല.
ലാഡ്ബ്രോക്സിനെ വിശ്വസിക്കാനാവില്ല: പന്തയത്തുക കൂടുന്നതനുസരിച്ചാണു പേരുകള് മുകളിലെത്തുക. മൂന്നു പേരുകള് കൂടി ശ്രദ്ധിക്കാം: ദക്ഷിണ കൊറിയന് കവി കോ ഉന്, ഈജിപ്ഷ്യന് ഫെമിനിസ്റ്റ് നവാല് എല് സാദവി, ഹംഗേറിയന് നോവലിസ്റ്റും നാടകകൃത്തുമായ പീറ്റര് നടാസ്.
സമ്മാനം കിട്ടില്ല, എന്നാല് ശ്രദ്ധിക്കണം എന്ന പട്ടികയിലുള്ളവര്:
ലാസ്ലോ ക്രാസ്നഹോര്കായ് (ഹംഗറി), ഇസ്മയില് കദാരെ (അല്ബേനിയ), അമോസ് ഓസ് (ഇസ്രയേല്), സെസാര് ഐര (അര്ജന്റീന), ആദം സഗജേവ്സ്കി (പോളണ്ട്), ഹവിയേര് മരിയാസ് (സ്പെയിന്), മിയാ കൂട്ടോ (മൊസാംബിക്), നൂറുദ്ദീന് ഫറ (സൊമാലിയ).
ഒരിക്കലും സമ്മാനം കിട്ടില്ല എന്നു ലാഡ്ബ്രോക്സ് വിശ്വസിക്കുന്നവര്:
അഡോണിസ് (സിറിയ), പീറ്റര് ഹാന്ഡ്കേ (ഓസ്ട്രിയ), ജോണ് ബാര്വിക് (ഐര്ലന്ഡ്), സീസ് നൂട്ടി ബൂം (ഡെന്മാര്ക്ക്), മിലന് കുന്ദേര (ചെക്കോസ്ലാവാക്യ).
നൂറുവരെയുള്ള പട്ടികയില് വായനക്കാര്ക്കു പരിചയമുള്ള പേരുകള്: പീറ്റര് കാരി, എ.എസ്. ബയാറ്റ്, മാര്ഗരറ്റ് അറ്റ്വുഡ്, ഇയാന് മക്ഇവാന്, ടോം സ്റ്റൊപ്പാര്ഡ്.
അങ്ങേയറ്റത്ത് രണ്ടു ഭാരതീയരുണ്ട്: രോഹിന്റണ് മിസ്ട്രി, സാല്മന് റുഷ്ദി.
കാത്തിരിക്കാം.
ഗണേശനു കിട്ടിയ ബംപര് ലോട്ടറിതുകയെക്കാള് കുറവാണ്, നൊബേല് തുക: വെറും ആറു കോടി.
കാര്യങ്ങള് ഇങ്ങനെയായിരിക്കെയാണ്, താന് നൊബേല് ചുരുക്കപ്പട്ടികയില് ഉണ്ടായിരുന്നെന്ന് കെ. സച്ചിദാനന്ദന് പറഞ്ഞുനടന്നത്.
പ്രതികരിക്കാൻ ഇവിടെ എഴുതുക: