നാദാപുരം: നാദാപുരം, ബാലുശ്ശേരി എന്നിവിടങ്ങളിലായി വിദേശമദ്യം കടത്തുന്നതിനിടിയില് മൂന്ന് യുവാക്കള് പിടിയില്. 190 കുപ്പി വിദേശമദ്യവുമായി യുവാവിനെ നാദാപുരം എക്സ് സൈസ് സംഘം പിടികൂടി . നാദാപുരം എക്സ്സൈസ് ഇന്സ്പെക്ടര് കെ ഷിജില് കുമാറും സംഘവുമാണ് മടപ്പള്ളി സ്വദേശി സുരേഷ് (34) നെ അറസ്റ്റുചെയ്തത് .കഴിഞ്ഞ ദിവസം രാത്രി വടകര മൂരാട്പാലത്തിന് സമീപം വാഹന പരിശോധന നടത്തുകയായിരുന്നു (എക്സ്) സൈസ് സംഘം . സുരേഷ് സഞ്ചരിച്ച സ്കൂട്ടറിന് മുന്വശത്ത് നാല് പെട്ടികളിലായി അടുക്കിവെച്ച നിലയില് ആയിരുന്നു മദ്യം കടത്തിയത്. എക്സ്സൈസ് ഉദ്യോഗസ്ഥരായ എ കെ ശ്രീജിത്ത് ,കെ എന് രാജേഷ് കുമാര് ,ഡ്രൈവര് പ്രജീഷ് ,എന്നിവരുടെ നേത്രുത്വ ത്തില് ആയിരുന്നു പരിശോധന.
ബാലുശ്ശേരി: സ്വകാര്യ ബസില് കടത്തുകയായിരുന്ന 34 കുപ്പി വിദേശമദ്യവുമായി രണ്ട് യുവാക്കള് പിടിയില്. തലയാട് വയലട ഞാറക്കാട്ടില് ക്രിസ്റ്റിന്രാജ് (23), നെട്ടം തകിടിയേല് ജിജോ തോമസ്സ് (24) എന്നിവരെയാണ് ബാലുശ്ശേരി എസ്ഐ പി. സിജിത്തും സംഘവും പിടികൂടിയത്. ഇന്നലെ ഉച്ചയ്ക്ക് ബാലുശ്ശേരി പോലീസ് സ്റ്റേഷനുമുന്നില് നിന്നും ബസ് തടഞ്ഞ് പോലീസ് നടത്തിയ പരിശോധനയിലാണ് മദ്യം കണ്ടെടുത്തത്. 17 ലിറ്റര് മദ്യം മാഹിയില് നിന്നും കൊയിലാണ്ടി വഴി കൊണ്ടുവരികയായിരുന്നു വെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: