കണ്ണൂര്: ജില്ലാ ഇ-ഗവേണന്സ് സൊസൈറ്റിയുടെ ആഭിമുഖ്യത്തില് മൂന്ന് ദിവസങ്ങളിലായി ജില്ലയിലെ തളിപ്പറമ്പ്, കണ്ണൂര്, തലശ്ശേരി, ഇരിട്ടി താലൂക്കുകളിലെ താലൂക്ക്തല ഉദേ്യാഗസ്ഥര്ക്കും, വില്ലേജ് ഓഫീസര്മാര്ക്കും, അക്ഷയ സംരംഭകര്ക്കുമായി ഇ-ഡിസ്ട്രിക്ട് ശില്പ്പശാല സംഘടിപ്പിച്ചു. ജില്ലയിലെ ഇ ഡിസ്ട്രിക്ട് പദ്ധതി കൂടുതല് കാര്യക്ഷമമാക്കുന്നതിനും ഇ ഡിസ്ട്രിക്ട് സൈറ്റില് വരുത്തേണ്ട മാറ്റങ്ങളെക്കുറിച്ചും ക്രിയാത്മകമായ നിര്ദ്ദേശങ്ങള് ശില്പ്പശാലയില് ചര്ച്ച ചെയ്തു. ശില്പശാല ജില്ലാ കലക്ടര് മിര് മുഹമ്മദലി ഉദ്ഘാടനം ചെയ്തു. എഡിഎം മുഹമ്മദ് യൂസഫ്, സബ് കലക്ടര് നവജോത് ഖോസ, അസി.കലക്ടര് ജെറോമിക് ജോര്ജ്ജ്, ഡെപ്യൂട്ടി കലക്ടര് (എല് എ) പി.വി.ഗംഗാധരന്, ശിരസ്തദാര് കെ കെ ദിവാകരന്, തളിപ്പറമ്പ് തഹസില്ദാര് സുജാത.കെ, കണ്ണൂര് തഹസില്ദാര് വി എം സജീവന്, തലശ്ശേരി അഡീഷണല് തഹസില്ദാര് ജി.എ.ശ്രീദേവി, ഇരിട്ടി അഡീഷണല് തഹസില്ദാര് കെ.കെ.സുരേഷ് എന്നിവര് ശില്പശാലയില് സംബന്ധിച്ചു. ജില്ലാ ഇന്ഫര്മാറ്റിക്സ് ഓഫീസര് ആന്ഡ്രൂസ് വര്ഗ്ഗീസ ക്ലാസ് നിയന്ത്രിച്ചു. ജില്ലാ ഇ-ഗവേണന്സ് സൊസൈറ്റി ഡിസ്ട്രിക്ട് പ്രൊജക്ട് മാനേജര് മിഥുന്കൃഷ്ണ സി എം, ജില്ലാ ഐ ടി സെല് കോ ഓര്ഡിനേറ്റര് ധനഞ്ജയന്, അക്ഷയ ബ്ലോക്ക് കോ ഓര്ഡിനേറ്റര് ഹിരേഷ് ആര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: