അങ്കമാലി: വിമാനത്താവള പരിസരത്ത് കെട്ടിട നിര്മ്മണാനുമതിക്ക് എയര്പോര്ട്ട് എന്ഒസി വാങ്ങുന്നതില് നിന്ന് ഇളവ് അനുവദിക്കണമെന്ന് നഗരസഭ കൗണ്സിലില് പ്രമേയം. ഈ പ്രദേശത്ത് വീടുകള് ഉള്പ്പെടെയുള്ള കെട്ടിട നിര്മ്മാണത്തിന് എയര്പോര്ട്ട് അതോറിറ്റി ഓഫ് ഇന്ത്യയുടെ എന്ഒസി ഹാജരാക്കുന്ന മുറയ്ക്കാണ് സങ്കേതം സോഫ്റ്റ് വെയറിലൂടെ ഓണ്ലൈനായി നഗരസഭ ബില്ഡിംഗ് പെര്മിറ്റ് നല്കി വന്നിരുന്നത്. കഴിഞ്ഞ ആറ് മാസമായി സാങ്കേതിക കാരണങ്ങളാല് എയര്പോര്ട്ട് അതോറിറ്റിയുടെ എന്ഒസിക്ക് ഓണ്ലൈനിലൂടെ അപേക്ഷ നല്കുവാന് പറ്റാത്ത അവസ്ഥയാണ്. ഇത് മൂലം അങ്കമാലി നഗരസഭയിലെ 13, 14, 15, 16, 17 എന്നീ വാര്ഡുകളിലുള്ളവര്ക്ക് വീട് നിര്മ്മിക്കുന്നതിന് പെര്മിറ്റ് പോലും ലഭിക്കാത്ത അവസ്ഥയാണ്. ഇതിന് പരിഹാരമായി എന്ഒസി വാങ്ങുന്നതില് ഇളവ് അനുവദിക്കണമെന്നാവശ്യപ്പെട്ട് നഗരസഭ കൗണ്സില് പ്രമേയം പാസാക്കിയത്. കൗണ്സില് യോഗത്തില് ടി. വൈ. ഏല്യാസ് പ്രമേയം അവതരിപ്പിച്ചു. അങ്കമാലി നഗരസഭ ചെയര്പേഴ്സണ് എം എ .ഗ്രേയ്സി അദ്ധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: