ഇരിട്ടി: യുഡിഎഫ് ഭരിക്കുന്ന അയ്യന്കുന്ന് പഞ്ചായത്തില് പുതിയ ക്വാറികള് അനുവദിക്കുന്നതിനെതിരെ ഒരുവിഭാഗത്തിന്റെ എതിര്പ്പ് നിലനില്ക്കെ ആരോപണം ഉന്നയിച്ച ക്രഷറിന്റെ ഹോഴ്സ് പവര് പഞ്ചായത്ത് ഭരണസമിതി വര്ധിപ്പിച്ച് നല്കിയത് വിവാദമാകുന്നു. ഇതില് പ്രതിഷേധിച്ച് സംയുക്ത സമരസമിതി അയ്യന്കുന്ന് പഞ്ചായത്തില് ഇന്ന് രാവിലെ ആറ് മുതല് വൈകുന്നേരം ആറെ വരെ ഹര്ത്താലിന് ആഹ്വാനം നല്കി. കോണ്ഗ്രസ് – യൂത്ത് കോണ്ഗ്രസ് എന്നിവരുടെ ഒരുവിഭാഗവും സിപിഎം , ഒരുവിഭാഗം കേരളകോണ്ഗ്രസ് -എം നേതാക്കളും പരിസ്ഥിതി പ്രവര്ത്തകരും, നാട്ടുകാരും ആണ് ഇന്നലെ രാവിലെ പഞ്ചായത്ത് ഓഫീസില് ഉപരോധിക്കുകയും ബഹളം വെയക്കുകയും ചെയ്തത്. ഇന്നലെ പുതിയ ക്വാറികള്ക്ക് ലൈസന്സ് നല്കുമെന്നും , പഴയവക്ക് ഹോഴ്സ്പവര്കുട്ടി നല്കുമെന്നും ചൂണ്ടിക്കാട്ടിയാണ് പ്രതിഷേധംഉണ്ടായത്. യൂത്ത് കോണ്ഗ്രസ് – കോണ്ഗ്രസ് പ്രവര്ത്തകര് ആദ്യം ഓഫീസ് ഉപരോധിച്ചെങ്കിലും പാര്ട്ടി നേതൃത്വത്തിന്റെ നിര്ദേശം അനുസരിച്ചെ ലൈസന്സ് നടപടി ഭരണസമതിയെടുക്കുകയുള്ളുവെന്ന് പഞ്ചായത്ത് പ്രസിഡന്റ് അഡ്വ.ഷീജ സെബാസ്റ്റ്യന് ഉറപ്പ് നല്കിയതിനെ തുടര്ന്ന് ഭരണസമതിയംഗങ്ങളെ ഓഫീസിനുള്ളില് പ്രവേശിക്കാന് അനുവദിച്ചു. കോണ്ഗ്രസിന് മൃഗീയ ഭൂരിപക്ഷമുള്ള ഇവിടെ തെരഞ്ഞെടുപ്പിനെ നേരിടുകയും അധികാരത്തിലെത്തുകയും ചെയ്തത്.എന്നാല് വാണിയപ്പാറ- ചരള് മേഖലയില് മനുഷ്യന് മാരകമായ രോഗങ്ങള് പിടിപെടുകയും, കുടിവെള്ള ക്ഷാമം നേരിടുകയും ചെയ്യുമ്പോള് രാഷ്ട്രീയ ദല്ലാള് മാര് പഞ്ചായത്ത് ഭരണസമതിയെ ലക്ഷങ്ങള് വാങ്ങി ഹൈജാക്ക് ചെയ്യാന്ശ്രമിക്കുകയാണെന്നാണ് ആരോപണം. കെപിസിസിയുടെയും പാര്ട്ടി നേതൃത്വത്തിന്റെയും നിലപാടുകള് പുതിയ ക്വാറികള്ക്കെതിരെയാണെന്നിരിക്കെയാണ് പുതിയനീക്കമെന്നാണ് സമരക്കാരുടെ ആരോപണം. പ്രതിഷേധത്തിനിയില് ഭരണസമിതി യോഗം ചിലരുടെ വിയോജിപ്പിനും വിട്ട് നില്ക്കലിനും ഇടയില് ക്രഷറിന് ഹോഴ്സ് പവര്കുട്ടി നല്കി. ഇതിനിടയില് ഒരു വിഭാഗം യൂത്ത്കോണ്ഗ്രസ്- കോണ്ഗ്രസ് പ്രവര്ത്തകരും നേതാക്കളും ബോര്ഡ് മീറ്റിംഗ് ഹാളിലേക്ക് ഇരച്ച് കയറുകയും കരിങ്കോടി വീശി മിനിറ്റ്സ് ബുക്ക് എടുത്തെറിഞ്ഞു. തുടര്ന്നുണ്ടായായ സംഘര്ഷത്തില് പഞ്ചായത്ത് വൈസ് പ്രസിഡന്റ് തോമസ് വലിയതൊട്ടി ഉള്പെടെയുള്ളവര്ക്ക് മര്ദനമേറ്റു.പഞ്ചായത്തിലെകോണ്ഗ്രസ് അംഗ വും കോണ്ഗ്രസ് ബ്ലോക്ക് സെക്രട്ടറിയുമായ എം.കെ വിനോദ്, മറ്റൊരു ബ്ലോക്ക് സെക്രട്ടറി കെ.പി സിജു, യൂത്ത്കോണ്ഗ്രസ് മണ്ഡലം പ്രസിഡന്റ് കെ.എസ് ശ്രീകാന്ത്, മുന് പഞ്ചായത്ത് പ്രസിഡന്റും കോണ്ഗ്രസ് ബ്ലോക്ക് വൈസ് പ്രസിഡന്റുമായ കെ.സി ചാക്കോ, സിപിഎം കരിക്കോട്ടക്കരി ലോക്കല് സെക്രട്ടറി ബിജു എളപ്പുങ്കല്, കേരള കോണ്ഗ്രസ്-എം നേതാവ് സിബി വാഴക്കാല, പരിസ്ഥിതി സമതി പ്രസിഡന്റ് മൈക്കിള് പടവില് എന്നിവരുടെ നേതൃത്വത്തിലാണ് പഞ്ചായത്തില് സമരം നടത്തിയത്. പോലീസ് കാവലിലാണ് ഭരണസമിതി യോഗം നടക്കുന്നത്
പ്രതികരിക്കാൻ ഇവിടെ എഴുതുക: