കുന്നത്തൂര്: റേഷന് കാര്ഡ് ഉടമകള്ക്ക് സാധനങ്ങള് നല്കാതെ മറിച്ച് കടത്താന് ശ്രമിച്ചത് നാട്ടുകാര് തടയുകയും പോലീസിലേല്പ്പിക്കുകയും ചെയ്തു. ശൂരനാട് വടക്ക് പാറക്കടവ്എആര്ഡി 44 നമ്പരിലുള്ള ഉണ്ണികൃഷ്ണപിള്ളയുടെ കടയില് നിന്നുമാണ് റേഷന്സാധനങ്ങള് കടത്താന് ശ്രമിച്ചത്. ബൈക്കില് കടത്താന് ശ്രമിച്ച അരി നാട്ടുകാര് തടഞ്ഞ് അധികൃതരെ വിവരം അറിയിച്ചു. ജില്ലാ, താലൂക്ക് സപ്ലൈ ഓഫീസര്മാര് കടയിലെത്തി പരിശോധന നടത്തുകയും വന് ക്രമക്കേട് കണ്ടെത്തുകയും ചെയ്തു. തുടര്ന്ന് കടയുടെ ലൈസന്സ് റദ്ദ് ചെയ്തു. ആവശ്യക്കാര്ക്ക് റേഷന്സാധനങ്ങള് നല്കാതെ മറിച്ച് വില്പ്പന നടത്തിവരികയായിരുന്നു. അതിനിടെ റേഷന് കടത്ത് തടയാന് ശ്രമിച്ച ആള്ക്ക് മര്ദ്ദനമേറ്റതായും പരാതിയുണ്ട്. ശൂരനാട് പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: