കുമളി: ചെക്ക് പോസ്റ്റില് പരിശോധനയ്ക്കിടെ പിക്ക് അപ്പ് ജീപ്പില് കടത്താന് ശ്രമിച്ച 25 കിലോ തൂക്കം വരുന്ന 2150 പായ്ക്കറ്റ് നിരോധിത പാന്മസാല ഉല്പ്പന്നങ്ങള് പിടികൂടി. പിക്ക് അപ്പ് ജീപ്പ് ഡ്രെവര് അറസ്റ്റില്. കമ്പം എ എം ചര്ച്ച് റോഡ് സ്വദേഷി ചന്ദനാണ് പിടിയിലായത്. ജില്ലയുടെ വിവിധ മേഖലകളിലേക്ക് വില്പ്പനയ്ക്കായി പച്ചക്കറി വണ്ടിയിലാക്കി കടത്തുന്നതിനിടെയാണ് കേസ് പിടിച്ചത്. എക്സൈസ് ഇന്സ്പെക്ടര് ഇ പി സിജുവിന്റെ നേതൃത്വത്തിലുള്ള സംഘമാണ് ഇന്നലെ വൈകിട്ട് 4.45 ന് കേസ് പിടിച്ചത്. പച്ചക്കറികള്ക്കിടയില് പ്ലാസ്റ്റിക്ക് കൂടുകള് നിറച്ച് ചാക്കില് പല തട്ടുകളാക്കിയായിരുന്നു പാന്മസാല സൂക്ഷിച്ചിരുന്നത്. രഹസ്യവിവരത്തെ തുടര്ന്ന് നടത്തിയ വിശദ പരിശോധനയിലാണ് കേസ് പിടികൂടിയത്. പ്രതിയെ കുമളി പോലീസിന് കൈമാറി. വണ്ടിയും കസ്റ്റഡിയിലെടുത്തിട്ടുണ്ട്. ചെക്ക് പോസ്റ്റിലെ ഉദ്യോഗസ്ഥരായ എംഎസ് മധു, ഉണ്ണിമോന് മൈക്കിള്, സി ബിജുമോന്, സൈനുദ്ദീന്, ഷനേജി കെ, അഗസ്റ്റിന് ജോസഫ് എന്നിവരും സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: