ന്യൂദല്ഹി: ദീപാവലിയോനുബന്ധിച്ച് സൈനികര്ക്ക് മോദി സര്ക്കാരിന്റെ സമ്മാനം. ഒരു മാസത്തെ ശമ്പളം ബോണസായി നല്കാന് തീരുമാനിച്ചു കൊണ്ടാണ് സൈന്യത്തിന് മോദി സര്ക്കാര് ദീപാവലി സമ്മാനം പ്രഖ്യാപിച്ചത്.
റിപ്പോര്ട്ടുകളനുസരിച്ച് ഒക്ടോബര് മാസം 30ന് മുമ്പ് ബോണസോടെയുള്ള ശമ്പളം സൈനികര്ക്ക് ലഭിക്കും. പുതിയ ശമ്പളക്കമ്മീഷന് ശുപാര്ശ നടപ്പാക്കിയതിനെത്തുടര്ന്നുള്ള കുടിശികയുടെ ആദ്യ ഗഡുവായ പത്തു ശതമാനമാകും നല്കുക.
ശുപാര്ശയിലെ അപാകത പരിഹരിക്കാന് സൈനിക മേധാവികളും ഉന്നത ഉദ്യോഗസ്ഥരും ചര്ച്ച നടത്താനിരിക്കെ കേന്ദ്ര പ്രഖ്യാപനം. കുടിശികയുടെ ആദ്യ ഗഡു നല്കാന് രാഷ്ട്രപതി അനുമതി നല്കിയതായി പ്രതിരോധ മന്ത്രാലയത്തിന്റെ ഉത്തരവില് പറയുന്നു.
പ്രതികരിക്കാൻ ഇവിടെ എഴുതുക: