കോഴിക്കോട്: കാണുന്നതെല്ലാം കണ്ണിന് കുളിര്മ്മയുള്ള കാഴ്ചകളല്ലെന്ന് ഓര്മ്മപ്പെടുത്തുകയാണ് കോഴിക്കോട്ടെ പത്ര ഫോട്ടോഗ്രാഫര്മാര്. വാര്ത്താചിത്രങ്ങള്ക്കായുള്ള നെട്ടോട്ടത്തി നിടയില് ക്യാമറയ്ക്കുള്ളിലൊതുക്കിയ അപൂര്വ്വചിത്രങ്ങള്, ജീവന്റെ തുടിപ്പുള്ളവ. കാലിക്കറ്റ് പ്രസ്ക്ലബ്ബിന്റെ ആഭിമുഖ്യത്തിലാണ് വിവിധ വിവിധ പത്രമാധ്യമങ്ങളിലെ ഫോട്ടോഗ്രാഫര്മാരുടെ ഫോട്ടോ പ്രദര്ശനം ഒരു കുടക്കീഴില് ഒരുക്കിയിരിക്കുന്നത്. 120 ചിത്രങ്ങളാണ് ടര്ബുലെന്റ് ലെന്സ് എന്ന പേരില് ഒരുക്കിയ പ്രദര്ശനത്തിലുള്ളത്.
ലളിതകലാ അക്കാദമി ആര്ട്ട് ഗ്യാലറിയില് നടന്ന ചടങ്ങില് മുതിര്ന്ന ഫോട്ടോഗ്രാഫര് പുനലൂര് രാജനും നടനും സംവിധായകനുമായ ശ്രീനിവാസനും ചേര്ന്നാണ് പ്രദര്ശനം ഉദ്ഘാടനം ചെയ്തത്. ആര്ട്ടിസ്റ്റ് ശരത്ചന്ദ്രന് മുഖ്യാഥി തിയായിരുന്നു. പ്രസ്ക്ലബ് പ്രസിഡന്റ് കമാല് വരദൂര് ചടങ്ങില് അധ്യക്ഷത വഹിച്ചു. സെക്രട്ടറി എന്. രാജേഷ്, പ്രദര്ശന ത്തിന്റെ കണ്വീനര്മാരായ റസല് ഷാഹുല്, രാജേഷ് മേനോന് എന്നിവര് സംസാരിച്ചു.
പ്രദര്ശനത്തിന്റെ ഭാഗമായി ഇന്ന് രാവിലെ 11.30ന് സമകാലിക ചിത്രം വര വാക്ക് എന്ന വിഷയത്തില് സംവാദം നടക്കും. പി. മുസ്തഫ, മദനന്, ഷാഹിന, കെ. റഫീഖ് തുടങ്ങിയവര് പങ്കെടുക്കും. നാളെ രാവിലെ 11.30ന് വിദ്യാര്ത്ഥികള്ക്കായി ഓണ് ദി സ്പോട്ട് ഫോട്ടോഗ്രാഫി മത്സരം, 16ന് 10.30ന് വി. ഐസക് സാം നയിക്കുന്ന ഫോട്ടോഗ്രാഫി ക്ലാസ്, 17ന് വൈകിട്ട് അഞ്ചിന് മുതിര്ന്ന ഫോട്ടോഗ്രാഫര്മാരായ ചോയിക്കുട്ടി, പി. വിശ്വനാഥ്, വി. ആലി, ജയിംസ് ആര്പ്പൂക്കര എന്നിവരെ ആദരിക്കുന്ന ചടങ്ങും നടക്കും. സമാപനസമ്മേളനം ജില്ലാ കലക്ടര് എന്. പ്രശാന്ത് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: