തിരുവനന്തപുരം: വ്യവസായ മന്ത്രി ഇ.പി.ജയരാജന് രാജിവച്ചു. ബന്ധു നിയമന വിവാദത്തെ തുടര്ന്ന് ജയരാജനെതിരേ വിജിലന്സ് പ്രാഥമികാന്വേഷണം പ്രഖ്യാപിച്ച സാഹചര്യത്തില് ഇന്നു ചേര്ന്ന സിപിഎം സംസ്ഥാന സെക്രട്ടേറിയേറ്റ് ജയരാജനോട് രാജിവയ്ക്കാന് ആവശ്യപ്പെടുകയായിരുന്നു.
സെക്രട്ടേറിയറ്റില് ഒരാളുടെ പിന്തുണപോലും ജയരാജന് കിട്ടിയില്ല. ഒരു നടപടികൊണ്ട് മാത്രമേ ജയരാജന് ചെയ്ത തെറ്റിനെ മറികടക്കാന് കഴിയൂവെന്നും നേതാക്കള് അഭിപ്രായപ്പെട്ടു. ഒരുഘട്ടത്തില് വകുപ്പ് മാറ്റം മാത്രം മതിയെന്ന നിര്ദ്ദേശങ്ങളുണ്ടായെങ്കിലും മുഖ്യമന്ത്രി പിണറായി വിജയനും സംസ്ഥാന സെക്രട്ടറി കോടിയേരി ബാലകൃഷ്ണനും ശക്തമായ നിലപാട് സ്വീകരിച്ചതോടെയാണ് രാജിയിലേയ്ക്ക് കാര്യങ്ങള് നീങ്ങിയത്.
മന്ത്രിമാരായ ടി.പി.രാമകൃഷ്ണന്, തോമസ് ഐസക്, എ.കെ.ബാലന് എന്നിവരുടെ നേതൃത്വത്തിലായിരുന്നു വിമര്ശനം. സര്ക്കാരിന്റെ പ്രതിച്ഛായ മോശമാക്കിയ നടപടിയാണ് ജയരാജന് ചെയ്തതെന്നായിരുന്നു മന്ത്രിമാരുടെ വിമര്ശനം. അതേസമയം രാജി സംബന്ധമായ വിഷയത്തില് മാധ്യമങ്ങളോട് പ്രതികരിക്കാതെയാണ് ജയരാജന് എകെജി സെന്റര് വിട്ടത്.
അഴിമതിക്കെതിരെ ശക്തമായ പ്രതിഷേധമുയര്ത്തി അധികാരത്തിലെത്തിയ സര്ക്കാരില് നിന്നാണ് മന്ത്രിസഭയിലെ രണ്ടാമനെന്ന് പറയാവുന്ന ജയരാജന് പടിയിറങ്ങുന്നതെന്നത് ശ്രദ്ധേയമാണ്.
പ്രതികരിക്കാൻ ഇവിടെ എഴുതുക: